Daniel 9:18 - Manobo Western Bukidnon OT

¹⁸ He Megbevayà, pemineǥa a kenikew. Su utew mekehizuhizu is kebpekesavuk dey wey nevengkag is inged nu he zutun egkilelaa is kegkemegbevayè nu. Wazè key medhangyù diyà te kenikew tenged te ketazeng dey, kekenà, tenged te netuenan dey he utew ka hihizuwen.

Daniel 9:18 Խաչաձեւ Հղումներ

1 Hadì 8:29

Berakat he ipata nu heini is baley nu te maandew wey mezukilem, kayi te lugar he migkaǥi nu he kayi ka ebeǥayi te zengeg. Berakat he pemineǥa a kenikew is suluǥuen nu te kebpengemuyù ku he kayi a he lugar med-etuvang.

2 Hadì 19:16

Nengazen, pemineg ka, ne tengtengi nu is langun he nehitavù. Pemineǥa nu is langun he migkaǥi ni Senakerib te ked-undaunda kenikew te uuyag he Megbevayà.

Salmo 116:1

Mibmahal ku is Nengazen, su ebpemineǥen din wey edtevaken din is kebuyù ku te tavang diyà te kandin.

Salmo 25:6

Tentenuzi nu, Nengazen, is hizu wey ǥaǥew nu he impeehè nu puun pa zengan.

Exodus 3:7

Migkaǥi is Nengazen te, “Neehè ku is kemereǥenan te menge etew ku ziyà te Ehipto. Nezineg ku is kebuyù dan te tavang tenged te kebpesipelahi kandan te menge edumala kandan te edterebahu, ne edtevangan ku su egkehizuwan ku sikandan.

Isaias 37:17

Nengazen, pemineg ka, ne tengtengi nu is langun he nehitavù. Pemineǥa nu is langun he migkaǥi ni Senakerib te ked-undaunda kenikew te uuyag he Megbevayà.

Isaias 43:7

Iyan sikandan menge etew he midtawag ku; midlimbag ku sikandan para meveǥayi a te zengeg.”

Isaias 64:12

Ne minsan pa te iyan heini, kenè key pe be ǥihapun kenikew edtevangan, Nengazen? Ebpereremek ke zè be, ne ebpurungan key en be kenikew edsiluti?

Isaias 64:6

Neiring key is langun te vutang he meremerik, ne is langun he meupiya he menge vaal zey, ne iring dà te meremerik he terapu. Iring key is langun te zahun he neǥangu, ne is kelelalung dey ne iring te keramag he midlayap kenami.

Jeremias 14:7

Migkaǥi is menge etew te, “He Nengazen, nekesalè key ziyà te kenikew. Layun dey sikew ed-iniyuǥi, ne ereg key he edsilutan. Piru tevangi key para meveǥayi ka te zengeg.

Jeremias 14:9

Ingketingkemed nu ve heini he menge hitavù? Maan is henduen ka te sundaru he wazè din egkehimu te kedtavang? Duma zey sikew, Nengazen. Ne menge etew key kenikew, umbe kenè key kenikew pesegdana.”

Jeremias 15:16

Hein nekidlalag ka kedì nemineg a kenikew. Is menge lalag nu iyan ebpekelipey kedì ne migkaǥi ka he ǥaked a kenikew, he Nengazen he Megbevayà he Mekeǥeǥehem.

Jeremias 25:29

Ahàa niw man! Mibpuunan ku en is kebpaaǥi te kezeetan diyà te Jerusalem, kes inged he para te zengeg ku. Guntaan egkeisip niw ve he kenè ku sikiyu edsilutan? Edsilutan ku sikiyu! Su ibpedtetebek ku is langun he menge nasyun kayi te tivuuk he kelibutan. Iyan a, is Nengazen he Mekeǥeǥehem, is migkaǥi kayi.

Jeremias 36:7

Su kela ke pinaaǥi kayi edangep sikandan diyà te Nengazen, ne ed-engkezan dan is mezaat he vetasan dan. Su mibpetizeenan en sikandan te Nengazen he edsilutan sikandan tenged te utew zin kegkepauk.”

Jeremias 37:20

Mahal he Hadì, emun egkehimu ne pemineǥa a kenikew. Edhangyù a ziyà te kenikew he kenà ad kenikew ilikù diyà te valey ni Jonatan he sikritaryu su ebpatey a emun diyà a.”

Ezekiel 36:22

Umbe, keǥiyi nu is menge etew te Israel he siak, is Nengazen he MEGBEVAYÀ migkaǥi te: He menge etew te Israel, ibpelikù ku sikiyu ziyà te tanè niw kenà tenged te engayan kew he edawat kayi. Ebeelan ku heini tenged te waǥas he ngazan ku he ebpendezeisayen niw ziyà te minsan hendei he nasyun he egkeveyaan niw.

Ezekiel 36:32

Piru egkesuatan ku he metueni niw te menge etew te Israel he ebeelan ku heini kenà tenged keniyu. Umbe ereg he igkeeled niw is menge ulaula niw. Iyan a, is Nengazen he MEGBEVAYÀ, is migkaǥi kayi.”

Daniel 9:7

“Metazeng ka, Nengazen, iyan, sikami mulà mekeeled-eled is menge vaal zey minsan guntaan. Tutuu heini ziyà te langun he menge meǥinged diyà te Juda wey Jerusalem, wey ziyà te langun he menge Israilihanen he impedsusuwey nu ziyà te uvey wey meziyù he menge lugar tenged te kedsupak dan kenikew.

Numero 6:27

“Pinaaǥi kayi igkepehayag dan diyà te menge Israilihanen ke hentei a, ne edtuvazan ku sikandan.”