Daniel 9:15 - Manobo Western Bukidnon OT

¹⁵ “He Nengazen he Megbevayè dey, impeehè nu is gehem nu pinaaǥi te kegeuza nu te menge etew nu puun te Ehipto, ne nevantug ka tenged kayi taman en guntaan. Piru mibaal key te salà wey kelelalung.

Daniel 9:15 Խաչաձեւ Հղումներ

1 Hadì 8:51

Su menge etew nu sikandan he menge ǥaked nu. Impeǥawas nu sikandan diyà te Ehipto, kes lugar he iring te egkiràkirà he rapug.

2 Hadì 21:15

Egkehitavù heini kandan su mezaat is mibeelan dan diyà te etuvangan ku, ne midhimu zan he mepauk a, puun pa te kegawas te menge kepuun dan diyà te Ehipto taman en guntaan.”

2 Cronica 6:37

ne emun egkeveǥu is gehinawa zan dutun he lugar, ne ed-engkezan dan is kebaal te salà, ne ebpehizuhizu zan he edhenduen te, ‘Nekesalè key wey mezaat is menge vaal zey,’

Nehemias 1:10

“Menge suluǥuen key kenikew wey menge etew nu he midlibri nu pinaaǥi te zekelà he ǥehem nu wey zesen nu.

Nehemias 1:6

Siak is suluǥuen nu, ebpengemuyù a ziyà te kenikew te maandew wey mezukilem para te menge etew ziyà te Israel he menge suluǥuen nu. Pemineǥa a wey tevaka nu is ampù ku. Idtug-an ku kenikew is menge salà te menge Israilihanen, ragkes en is kedì he menge salà wey is menge salà te menge kepuun ku.

Nehemias 9:10

Mibaal ka te menge singyal wey menge egkein-inuwan he menge vaal he nekesuǥat te hadì te Ehipto, wey te langun he menge upisyal zin wey menge etew zin. Su netuenan nu he midaagdaag dan is menge kepuun dey. Ne taman en guntaan kemulu egkevantug is ngazan nu.

Salmo 106:8

Piru midlibri nu sikandan para te zengeg nu wey te kebpaahà kandan te ǥehem nu.

Exodus 13:14

Dutun te huziyan he timpu, emun ed-insà is menge anak niw ke hengkey is ibpesavut dutun, ne ke sikiyu te, ‘Impeǥawas kiw te Nengazen puun diyà te Ehipto su midlibri kiw zin te kegkeuripena kenitew pinaaǥi te kegemita zin te ǥehem din.

Exodus 13:16

Heini he tulumanen, iring te patik diyà te velad wey vuked he kenà egkelipatan su layun egkaahà su pinaaǥi kayi kenà egkelipatan is kebpeǥewasa kenitew te Nengazen puun diyà te Ehipto pinaaǥi te kegamit din te ǥehem din.”

Exodus 13:3

Ne migkeǥiyan ni Moises is menge etew te, “Tentenuzi niw heini he andew is andew te kebpeǥewasa keniyu ziyà te Ehipto, he zutun kew mengeuripen, ne tenged te kebpeǥewasa zin keniyu zutun pinaaǥi te mekeǥeǥehem he velad din. Kenè kew kaan te edtepayan.

Exodus 13:9

Heini he pista, igkepetug-iring te patik diyà te menge velad niw etawa vuked niw he ebpetanudtanud keniyu he kinahanglan he edtudtulen niw is insuǥù te Nengazen su impeǥawas kew zin diyà te Ehipto pinaaǥi te ǥehem din.

Exodus 14:18

Ne emun egkezèdeetan ku en sikandan, ne egketuenan te menge Ehiptohanen he iyan a Nengazen.”

Exodus 32:11

Iyan, midhangyù si Moises diyà te Nengazen he iyan Megbevayè din he ke sikandin te, “He Nengazen, maan is utew nu egkepeuki is menge etew nu he impeǥawas nu ziyà te Ehipto pinaaǥi te zekelà he ǥehem nu?

Exodus 6:1

Ne migkaǥi is Nengazen diyà te ki Moises te, “Egkeehè nu en human is ed-ul-ulahan ku ziyà te hadì te Ehipto. Pinaaǥi te ǥehem he ibpeehè ku, edtuǥut sikandin he mekeǥenat kew puun te nasyun din. Ne egketeǥel sikandin te kebpeǥenat keniyu.”

Exodus 6:6

Umbe, keǥiyi nu is menge Israilihanen: ‘Iyan a Nengazen. Ne ibpeǥawas ku sikiyu te kegkeuripena keniyu te menge Ehiptohanen. Pinaaǥi te ǥehem ku, ebpurungan ku edsiluti is menge Ehiptohanen, ne edlibriyen ku sikiyu.

Exodus 9:16

Iyan, intuǥut ku he meuyag-uyag ka para kayi he ketuyu-an: su wey nu maahà is gehem ku ne wey a mevantug kayi te tivuuk he kelibutan.

Isaias 55:13

Edtuvù is menge kayu he sipris wey mirtu ziyà te edtuvuan guntaan te zuǥiyen he zezeisey he kayu. Tenged te kegkeul-ulaha kayi egkeveǥayan a te zengeg; egkehimu heini he tuus te kegkemekeǥeǥehem ku te wazà pidtemanan.”

Isaias 64:4

Puun pa zengan wazè pa nekezineg wey nekaahà te Megbevayà he iring kenikew he edtavang te menge edsarig kandin.

Jeremias 14:20

He Nengazen, mid-angken dey is kelelalung dey wey is menge salà te menge kepuun dey. Nekesalè key ziyà te kenikew.

Jeremias 32:10

Mibpirmahan ku wey midtetakan is pepilis te kebpemasa ku ziyà te etuvangan te menge tistiǥus. Ne midtimbang ku haazà is pelata ne imbayad ku ki Hanamel.

Penhulùhulù 3:42

“Nekesalà key wey nekidsukulà key kenikew, Nengazen, ne wazè key kenikew peseyluwa.

Ezekiel 5:6

Piru midrapas din is menge suǥù ku, ne midsubra pa is kandin he kelelalung te kelelalung te zuma he menge nasyun diyà te peliǥuy zin. Inselikwey zin is menge suǥù ku wey menge sulunuzen.

Daniel 9:5

Nekesalè key ziyà te kenikew. Mibaal key te mezaat wey mid-engkezan dey is menge suǥù nu wey menge sulunuzen he ibpesunud nu.

Deuteronomio 5:15

Tentenuzi niw he menge uripen kew zaan dengan diyà te Ehipto, ne iyan a, is Nengazen he Megbevayè niw, mibpeǥawas keniyu ziyà pinaaǥi te zekelà he ǥehem ku. Umbe tumana niw is ebpeveelan ku zutun te Andew te Kedhimeley, su iyan a is Nengazen he Megbevayè niw midsuǥù keniyu.