Daniel 5:13 - Manobo Western Bukidnon OT

¹³ Umbe, impetawag si Daniel. Ne hein nekeume en sikandin, migkaǥi haazà is hadì te, “Iyan ke ve si Daniel he sevaha zuen te menge vihag he Judio he mid-uwit kayi te amey ku puun te Juda?

Daniel 5:13 Խաչաձեւ Հղումներ

Ezra 10:16

Midtuman duen te nemen-ulì puun te kegkevihag haazà he pelanu. Umbe mibpilì si Ezra he memumuhat te menge maama he pengulu te menge pemilya, ne inlista is menge ngazan dan. Ne hein nehuna he andew te ikesepulù he vulan, mibpinuu sikandan ne mibpuunan dan is ked-imbistiga bahin te kebpengesawa te menge Israilihanen te menge vahi he kenà menge Israilihanen. Nepasad dan is ked-imbistiga te langun he kasu hein nehuna he andew te nehuna he vulan te nekesunud he tuig.

Ezra 10:7

Mibpehibelu is menge pengulu wey menge edumala te menge Israilihanen diyà te tivuuk he Juda wey Jerusalem he is langun he mid-ulì puun te kegkevihag ne midtiǥum diyà te Jerusalem. Ne is minsan hentei he kenà edtelavuk seled te tetelu he andew ne egkuwaan diyà te kandin is langun he menge azen din ne kenè en sikandin ed-isipen he zuma te menge etew he nemen-ulì puun te kegkevihag.

Ezra 4:1

Netudtulan is menge kuntada te menge tig-Juda wey menge tig-Benjamin he mid-uman benguna zuen te nemen-ulì puun te kegkevihag is baley te Nengazen he Megbevayà te Israel.

Ezra 6:16

Melipayen he midsilibra is kebpehinunguza zuen te valey te Megbevayà te menge etew te Israel–menge memumuhat, menge Levihanen, wey te zuma pa he nemen-ulì puun te kegkevihag.

Daniel 1:1

Hein iketelu he tuig te kedhadì ni Jehoyakim diyà te Juda, midsurung ni Hadì Nebucadnezar he hadì te Babilonia wey te menge sundaru zin is Jerusalem.

Daniel 1:2

Mibihag din si Hadì Jehoyakim su iyan heeyan egkesuatan te Nengazen he mehitavu. Mibpenguwa zin is duma he menge azen diyà te valey te Megbevayà ne mid-uwit din diyà te Babilonia. Ne intaǥù din haazà diyà te teleǥuey te ketiǥeyunan diyà te valey he ed-ezapan te kandin he ed-ezapen.

Daniel 1:21

Mibpedayun mebpenilbi si Daniel ki Nebucadnezar taman te nehuna he tuig te kedhadì ni Cyrus.

Daniel 1:6

Ne zuma zuen te nengepilì he ebpuun diyà te tribu ni Juda iyan ensi Daniel, Hanania, Mishael, wey si Azaria.

Daniel 2:25

Umbe, migègaanan dumaha ni Arioc si Daniel ziyà te hadì. Migkaǥi si Arioc te, “Mahal he Hadì, duen neehè ku he vinihag puun te Juda he ebpekeseysey ke hengkey is kehuluǥan duen te teǥeinep nu.”

Daniel 2:48

Ne zutun mibeǥayan duen te hadì si Daniel te mahabet wey mekempet he menge gasa. Wey mibeǥayan din daan sikandin te metikang he ketengdanan su iyan din impezumala te tivuuk he prubinsya te Babilonia wey impepenguluwan kandin is langun he uluwanen he etew zutun.

Daniel 5:11

su zuen sevaha he etew kayi te ginhedian nu he ziyà te kandin is mulin-ulin te waǥas he menge ed-ezapen. Te timpu te kedhadì te amey nu he si Hadì Nebucadnezar, impaahà kayi he etew is ketau zin he iring te ketau te menge ed-ezapen. Midhimu sikandin te amey nu he pengulu te menge selemengkiru, menge veyilan, menge menenagnà, wey menge mengingingkuris.

Daniel 5:14

Netudtulan a he ziyà te kenikew is mulin-ulin te menge ed-ezapen ne zuen nu nekeviza he abilidad wey ketau.

Daniel 5:18

“Mahal he Hadì, ketau te Utew Lavew he Megbevayà is kegkehimu he hadì te amey nu he si Nebucadnezar. Nehimu sikandin he mekeǥeǥehem wey mibeǥayan te menge etew te zengeg.

Daniel 6:13

Ne migkeǥiyan dan haazà is hadì te, “Si Daniel he sevaha zuen te menge vihag puun te Juda, wazà medtuman te suǥù nu. Ed-ampù sikandin diyà te Megbevayè din te ketetelu kada andew.”

Daniel 8:1

Duen te iketelu he tuig te kedhadì ni Belshazar, duen en maan nelewasan ku.

Daniel 8:27

Ne kegkepasad kayi, siak si Daniel, midluyahan a wey nezeruwan a te nepipira he andew. Ne kegkeulii kedì, midlikuan ku te edterebahu is insarig kedì te hadì. Piru kemulu a egkeliveǥi zuen te nelewasan ku. Mereǥen heini he edsevutan.