Daniel 4:25 - Manobo Western Bukidnon OT

²⁵ Edsegseǥen ka pehendiyà te meziyù te menge etew ne ed-amur ka te leew he menge langgam. Ne egkeiring ka te vaka su ebpenabtab ka te sagbet wey layun ka egkahames te zehemug. Ne kegketapus te pitu he tuig, ne egkilelaan nu he is Utew Lavew he Megbevayà, duen din gehem diyà te menge ginhedian te menge etew ne egkehimu ke edhimuwen din sikandan he sakup te minsan hentei he egkesuatan din he mehimu he egalen dan.

Daniel 4:25 Խաչաձեւ Հղումներ

Salmo 103:19

Insavuk te Nengazen diyà te langit is pinuuwè din te kedhadì, ne edhedian din is langun.

Salmo 106:20

Inliwè dan dà is mekeǥeǥehem he Megbevayè dan te ledawan te tudu he vaka he ebpenabtab dà te sagbet.

Salmo 75:7

kekenà, iyan dà is Megbevayà. Iyan sikandin edhukum; ebpekevevaan din is ked-etew te zuma, ne is duma ebeǥayan din te zengeg.

Salmo 83:18

Berakat he metueni zan he iyan ka, Nengazen, he iyan dà Utew Lavew he Megbevayà kayi te tivuuk he kelibutan.

Jeremias 27:5

Pinaaǥi te zekelà he ǥehem ku midlimbag ku is kelibutan, is menge etew, wey is menge langgam, ne iyan a ebayàbayà ke hentei is ibpezumala ku kayi.

Daniel 2:21

Iyan sikandin ebpedliliwà te egkengehitavù diyà te menge timpu. Iyan sikandin ebayàbayà ke hentei is egkahadì wey ke hentei is egkaawà te kedhadì. Iyan sikandin mibeǥey te ketau ziyà te uluwanen.

Daniel 2:37

Mahal he Hadì, iyan ka hadì te menge hadì. Iyan midhimu kenikew he hadì is Megbevayà diyà te langit, ne mibeǥayan ke zin te ǥehem, desen, wey zengeg.

Daniel 2:47

Migkaǥi sikandin diyà te ki Daniel te, “Tenged te kedtudtula nu zuen te teǥeinep ku wey kedseysaya nu te kehuluǥan din, ne tutuu iyan he is Megbevayà he ed-ezapen nu ne lavew he mekeǥeǥehem te langun he ebpen-ezapen te menge etew. Iyan sikandin ereg he egkilelaan he Egalen te menge hadì. Ne iyan dà sikandin ebpekepezayag te nekeeles he menge ketutuanan.”

Daniel 4:16

Ne seled te pitu he tuig ne egkaawà diyà te kandin is isip te etew, ne is isip din egkehimu he isip te langgam.

Daniel 4:17

Iyan heini hukum he migkaǥi te menge velinsuǥuen su para metueni te langun he is Utew Lavew he Megbevayà, duen din gehem diyà te menge ginhedian te menge etew. Ne egkehimu ke edhimuwen din sikandan he sakup te minsan hentei he egkesuatan din he mehimu he egalen, minsan pa ke haazà is etew iyan en kineminusan te langun he menge etew.

Daniel 4:2

“Egkesuatan ku te edtudtul ziyà te keniyu is menge singyal wey menge egkein-inuwan he menge vaal he mibeelan te Utew Lavew he Megbevayà kayi te kediey.