Daniel 4:22 - Manobo Western Bukidnon OT

²² Mahal he Hadì, iyan ka haazà is kayu. Su nehimu ka he mekeǥeǥehem ne iring te nekeume en diyà te langit is kegkemekeǥeǥehem nu, ne is kedhadì nu nekeuma ziyà te minsan hendei kayi te kelibutan.”

Daniel 4:22 Խաչաձեւ Հղումներ

Genesis 28:12

Ne zutun te kedlipezeng din, neketeǥeinep sikandin te heǥezan he nekehitindeg kayi te tanà ne nekeuma ziyà te langit. Neehè din is menge velinsuǥuen te Megbevayà he ebpememenahik wey ebpemenaug dutun te heǥezan.

2 Samuel 12:7

Ne migkeǥiyan ni Natan si David te, “Iyan ka haazà! Iyan heini lalag te Nengazen he Megbevayà te Israel: ‘Mibpilì ku sikew he hadì te Israel ne midlibri ku sikew ziyà te ki Saul.

2 Cronica 28:9

Piru hein ebpelingguma is menge sundaru ziyà te Samaria, ne midsinuǥung sikandan ni Oded he ebpeneuven te Nengazen, ne migkeǥiyan din te, “Imbeǥey keniyu te Nengazen he Megbevayè niw is menge tig-Juda tenged te nepeukan din sikandan. Piru kenè en ereg is mibeelan niw: mibpenhimetayan niw sikandan te wazà kegkehizu, netuenan heini te Nengazen he ziyà te langit.

Salmo 108:4

Su kenà egkesukud is gaǥew nu wey kebmetinumanen nu.

Salmo 36:5

Nengazen, is gaǥew nu wey kegkemetinumanen, ne kenà egkesukud; metikang pa heini te langit.

Jeremias 27:5

Pinaaǥi te zekelà he ǥehem ku midlimbag ku is kelibutan, is menge etew, wey is menge langgam, ne iyan a ebayàbayà ke hentei is ibpezumala ku kayi.

Ezekiel 17:3

ne keǥiyi nu sikandan he iyan a, is Nengazen he MEGBEVAYÀ migkaǥi kayi: duen dekelà he kulaǥu he midlayang pehendiyà te Lebanon. Meluag is menge pakpak din wey merapung is bulvul zin he nekedseselekawà is barek. Ne midlatun heini ziyà te purù te kayu he sidru,

Daniel 2:21

Iyan sikandin ebpedliliwà te egkengehitavù diyà te menge timpu. Iyan sikandin ebayàbayà ke hentei is egkahadì wey ke hentei is egkaawà te kedhadì. Iyan sikandin mibeǥey te ketau ziyà te uluwanen.

Daniel 4:11

Ne mid-iseg pa heini medekelà wey mebmetawis taman te nekeuma ziyà te langit ne egkaahà heini te tivuuk he menusiyà.

Daniel 4:21

Mekempet is menge zahun din wey mezakel is menge veǥas din ne egkekeenan duen is langun. Midhelung dutun is menge langgam wey midseselaǥan te menge tagbis is menge subpang din.

Daniel 4:29

Su kedlavey te senge-tuig puun te kedseysaya ni Daniel te kehuluǥan duen te teǥeinep, ne iyan heini nehitavù: Edhihipanew si Hadì Nebucadnezar ziyà te patag he atep te turuǥan din diyà te Babilonia

Daniel 4:36

“Ne hein midlikù en kayi te kediey is meupiya he ked-isip-isip ne inlikù daan kayi te kediey is dengeg wey ventuǥan te hadì. Midawat e en maan duen te menge upisyal ku wey menge megsesambag ku, ne edhunè a pa he mekeǥeǥehem kenà duen te nehuna he kedhadì ku.