Daniel 3:1 - Manobo Western Bukidnon OT

¹ Dutun he timpu, mibpevaal si Nebucadnezar te ledawan he vulawan. Is ketikang din 90 he ǥiek ne 9 he ǥiek is keluag din. Ne hein nepasad en haazà, impehitindeg din diyà te suǥud diyà te Dura diyà te prubinsya he Babilonia.

Daniel 3:1 Խաչաձեւ Հղումներ

1 Hadì 12:28

Umbe, hein nepasad is kebpesambag ni Jeroboam mehitenged kayi te neisip din, ne mibpevaal sikandin te zezuwa he vulawan he vaka. Ne migkeǥiyan din is menge etew te, “Sikiyu is menge Israilihanen, egkereǥenan kew en te layun kedhendiyà te Jerusalem. Ne heini zed is menge ed-ezapen he mibpeǥawas keniyu ziyà te Ehipto.”

Ester 1:1

Duen sevaha he hadì te Persia he migngezanan ki Ahasuerus. Diyà sikadin med-ubpà te turuǥan he miberengbeng diyà te inged he Susa. Edhedian din is 127 he prubinsya puun te India taman te Etiopia.

Salmo 135:15

Is menge ed-ezapen diyà te zuma he menge nasyun pelata wey vulawan, ne etew zà is mibaal zuen.

Exodus 20:23

Kenè kew mebaal te ledawan he ed-ezapen niw zaan iring te ked-ezapa niw kedì, kenè kew mebaal te ledawan he pelata wey ledawan he vulawan he ed-ezapen niw.

Exodus 32:31

Ne midlikù si Moises diyà te Nengazen, ne migkeǥiyan din is Nengazen te, “Nekevaal te zekelà he salà sikan is menge etew. Mibaal zan te ed-ezapen dan he vulawan.

Isaias 2:20

Dutun he andew, is menge ed-ezapen he menge pelata wey menge vulawan he mibeelan dan su ed-ezapen dan, ibpenimbag dan diyà te menge rumat wey menge kaveg.

Isaias 30:22

Igkeremerik niw en is menge ed-ezapen niw he mibpekeplaan te pelata wey vulawan. Idtimbag niw heini iring te meremerik he terapu, ne egkaǥi kew te, “Kenè ku en sikiyu egkesuatan te ed-ahà!”

Isaias 46:6

Is duma he menge etew ibpeǥawas dan is bulawan wey pelata zan, ne edsuluhan dan is platiru su wey zin heini meveeli he ledawan su ed-ezapen dan, ne ed-ezapen dan heini.

Jeremias 10:9

Ebpevaal zan te menge pandey wey menge platiru te menge ledawan he ed-ezapen dan he ebpekeplaan te pelata he ebpuun diyà te Tarshish wey vulawan he ebpuun diyà te Ufaz. Ne ebistiyan heini te meitem is kaavuavu zin merudtem he manggad he midtahì te memetau he menge menenahì.

Jeremias 16:20

Egkeveelan be te etew is megbevayè din? Emun egkeveelan din, ne kenà heeyan tutuu he megbevayà!’ ”

Daniel 2:48

Ne zutun mibeǥayan duen te hadì si Daniel te mahabet wey mekempet he menge gasa. Wey mibeǥayan din daan sikandin te metikang he ketengdanan su iyan din impezumala te tivuuk he prubinsya te Babilonia wey impepenguluwan kandin is langun he uluwanen he etew zutun.

Daniel 2:49

Midhangyù ni Daniel zuen te hadì he himuwa zin si Shadrac, si Meshac, wey si Abednego he menge timbang din te kedumala te prubinsya he Babilonia. Ne midtuǥut haazà is hadì. Ne si Daniel wazà mulà med-awà diyà te turuǥan te hadì.

Daniel 3:14

Ne kebpekeuma zan mid-insaan sikandan duen te hadì te, “Tutuu ve he wazè kew mebpenilbi te menge ed-ezapen ku wey wazà kew med-azap duen te ledawan he vulawan he impehitindeg ku?

Daniel 3:30

Ne mibeǥayan dutun te hadì ensi Shadrac, Meshac, wey Abednego te edhuna he metikang duen te nehuna he ketengdanan dan dutun te prubinsya he Babilonia.

Daniel 5:23

mid-isip nu he lavew ka te Nengazen diyà te langit. Impekuwa nu is menge inumà he puun diyà te valey te Megbevayà ne mid-inuman nu heini zuma te menge meǥeliyug nu he memetikang is ked-etew, menge esawa nu he lavew, wey is menge esawa nu he kenè lavew. Ne liyu keniyan, mid-azap nu is menge ledawan he ed-ezapen he pelata, bulawan, brunsi, putew, kayu, wey vatu–menge ed-ezapen he kenà ebpekaahà, kenà ebpekezineg, wey kenà ebpekesavut. Piru wazè nu mulà deliǥa is Megbevayà he iyan migawed te untung nu wey iyan ebayàbayà ke hengkey is egketemanan nu.

Daniel 5:4

Ne zutun te ked-iinum dan te vinu, midalig dan is menge ledawan he ed-ezapen he vulawan, pelata, brunsi, putew, kayu, wey vatu.

Hoseas 2:8

“Wazè din isipa he iyan a mibeǥey kandin te trigu, binu, lana, wey mahabet he menge pelata wey vulawan he mibeelan dan he ledawan ni Baal.

Hoseas 8:4

Mibpilì dan te menge hadì wey menge upisyal he wazè ku pilìa. Mibeelan dan he menge ed-ezapen is menge pelata zan wey menge vulawan. Ne heini he menge ed-ezapen iyan mid-uwit te kezeetan diyà te kandan.

Habakuk 2:19

Kehizu niw te egkaǥi ziyà te ledawan he kayu etawa vatu te, “Kepukew ke en ne tevangi key.” Kenè ganì heeyan ebpekepenurù keniyu. Minsan mibpekeplaan heeyan te vulawan wey pelata, piru kenà heeyan uuyag.

Deuteronomio 7:25

Iagbur niw ziyà te hapuy is menge ledawan he ed-ezapen dan, ne kenè niw keimahi is menge vulawan wey menge pelata zutun. Kenè niw haazà kuwaa su pekaid haazà keniyu. Pekeziyui niw heini su utew mezaat is ked-isipa kayi te Nengazen he Megbevayè niw.