Daniel 2:1 - Manobo Western Bukidnon OT

¹ Dutun te ikezuwa he tuig te kedhadì ni Nebucadnezar, kepipira sikandin meketeǥeinep. Nekepeliveg kandin haazà is menge teǥeinep din, umbe kenà sikandin ebpekelipezeng.

Daniel 2:1 Խաչաձեւ Հղումներ

Ester 6:1

Dutun he kezukileman, kenà ebpekelipezeng si Hadì Ahasuerus, umbe insuǥù din he uwita ziyà te kandin wey vesaha sikan is libru he midsuratan te kaaǥi te kedhadì din wey ginhedian din.

Jeremias 25:1

Heini he tudtul mehitenged te menge etew ziyà te Juda migkaǥi te Nengazen diyà te ki Jeremias hein ikeepat he tuig te kedhadì ni Jehoyakim diyà te Juda, te anak ni Josia. Ne iyan daan heini nehuna he tuig te kedhadì ni Nebucadnezar ziyà te Babilonia.

Daniel 2:3

Ne te kebpekeuma zan migkaǥi haazà is hadì diyà te kandan te, “Neketeǥeinep a ne utew nekepeliveg kedì heini, umbe impetawag ku sikiyu su egkesuat a he metueni ku ke hengkey is kehuluǥan kayi he teǥeinep.”

Daniel 4:2

“Egkesuatan ku te edtudtul ziyà te keniyu is menge singyal wey menge egkein-inuwan he menge vaal he mibeelan te Utew Lavew he Megbevayà kayi te kediey.

Daniel 4:5

Piru zuen ku teǥeinep he ingkahandek ku wey ingkesemuki ku.

Daniel 5:9

Umbe, mid-iseg is kegkeherati wey kebmemeluntak ni Hadì Belshazar. Ne neliveg daan haazà is lavew he menge etew zin.

Daniel 6:18

Ne mid-ulì si Hadì Darius diyà te turuǥan din. Wazà sikandin megkaan dutun he kezukileman wey wazè en sikandin mebpehimu te kelingawan he iyan pezem neleyaman din. Ne wazà sikandin mekelipezeng.

Daniel 7:1

Duen te nehuna he tuig te kedhadì ni Belshazar ziyà te Babilonia, duen nelewasan ni Daniel ziyà te teǥeinep din. Iyan heini teǥeinep din he insurat din:

Daniel 7:15

Ne nesemukan a he ed-isip-isip dutun te neehè ku.