2 Samuel 7:7 - Manobo Western Bukidnon OT

⁷ Hein kedhalinhalin ku he zuma ku is menge etew ku he Israilihanen, wazà ad megkaǥi ziyà te menge pengulu, he midsuǥù ku te ked-elima kandan, te maan is wazè e zan tukuzi te utew mekempet he valey he zutun a ed-ezapa he sidru is menge pengawid din.’

2 Samuel 7:7 Խաչաձեւ Հղումներ

2 Samuel 5:2

Puun pa zengan, minsan te iyan pa si Saul hadì dey, ne iyan ke pa nengulu te menge Israilihanen te kebpekidtebek. Ne migkeǥiyan ka te Nengazen te, ‘Elimahi nu is menge etew ku he Israilihanen te iring te ked-elima te ebantey te menge kerehidu. Iyan ka egkehimu he pengulu zan.’ ”

1 Cronica 11:2

Puun pa zengan, minsan te iyan pa si Saul hadì dey, ne iyan ke pa nengulu te menge Israilihanen te kebpekidtebek. Ne migkeǥiyan ka te Nengazen he Megbevayà te, ‘Elimahi nu is menge etew ku he Israilihanen he iring te ked-elima te ebantey te menge kerehidu. Iyan ka egkehimu he pengulu zan.’ ”

1 Cronica 17:6

Te kedhalinhalin ku he zuma ku is menge etew ku he Israilihanen, wazà ad megkaǥi ziyà te menge pengulu he midsuǥù ku te ked-elima kandan te, maan is wazè e zan tukuzi te utew mekempet he valey he zutun a ed-ezapa he sidru is menge pengawid din.’ ”

Isaias 40:11

Ed-etimanen din is menge etew zin iring te ked-etiman te ebantey te menge kerehidu: Edsepipiyen din is dezeisey pa he menge kerehidu ne meelima sikandin he egiya zuen te menge telenati.

Isaias 66:1

Iyan heini egkeǥiyen te Nengazen: “Is langit iyan pinuuwè ku te edhadì, ne is tanà iyan ebpeuntuzan ku te menge paa ku. Egkehimu ve ke edtukuzan a keniyu te valey? Egkehimu ve ke ebeǥayan a keniyu te lugar he egkehimelayan ku?

Jeremias 23:4

Ebeǥayan ku sikandan te menge pengulu he ed-atur kandan, ne kenè dan en egkahandek wey egkeheratan, ne wazè en egketazin kandan. Iyan a, is Nengazen, is migkaǥi kayi.”

Jeremias 3:15

Ne ebeǥayan ku sikiyu te menge pengulu he mid-isip ku he zait he ebpengulu keniyu he zuen dan ketau wey kedsavut.

Ezekiel 34:15

Iyan a mismu, is Nengazen he MEGBEVAYÀ ed-atur te menge kerehidu ku, ne ibpehimeley ku sikandan.

Ezekiel 34:2

“Sikew is etew, kaǥi ka te ebpekesuǥat te menge perevantey te Israel. Keǥiyi nu sikandan he iyan a, is Nengazen he MEGBEVAYÀ migkaǥi te: Mekehizuhizu kew is menge perevantey te Israel. Keugelingen niw zà is ed-eturen niw! Kenè be is menge perevantey kinahanglan he ed-eturen din is menge kerehidu?

Ezekiel 34:23

Ebeǥayan ku sikandan te sevaha he tig-elima he kevuwazan te suluǥuen ku he si David. Iyan sikandin ed-atur wey egkehimu he ed-elima.

Micas 5:4

Edumala heini he pengulu ne ed-elimahan din is menge etew te Israel he iring sikandin te perevantey te menge kerehidu. Edhimuwen din heini pinaaǥi te zesen wey gehem te Nengazen he Megbevayè din. Ne ebpengungubpaan is menge etew zin he wazè dan igkahandek su egkilelaan te menge etew te tivuuk he kelibutan is kegkemekeǥeǥehem din.

Deuteronomio 23:14

Su is Nengazen he Megbevayè niw edliǥuyliǥuy ziyà te kampu niw te kedlibri keniyu wey ibeǥey zin diyà te keniyu is menge kuntada niw. Umbe kinahanglan he lumpiyu is kampu niw su para wazè din egkaahà he kenà meupiya, su para kenè kew zin ewai.