2 Samuel 6:12 - Manobo Western Bukidnon OT

¹² Netudtulan si Hadì David he midtuvazan te Nengazen is pemilya ni Obed Edom wey is langun he ǥaked din tenged dutun te Kavan te Kebpekid-uyun te Megbevayà. Ne zutun midhendiyà si David te valey ni Obed Edom ne migkuwa zin haazà is Kavan te Kebpekid-uyun te Megbevayà su ed-uwiten din diyà te inged din duma is kelipey.

2 Samuel 6:12 Խաչաձեւ Հղումներ

2 Samuel 5:7

Piru naaǥew ni David is melig-en he kutà te Zion, he egngezanan guntaan te Inged ni David.

1 Hadì 8:1

Impetawag ni Hadì Solomon diyà te Jerusalem is menge edumala te Israel wey is langun he menge pengulu te menge tribu wey menge pemilya te Israel, su ibpekuwa zin kandan sikan is Kavan te Kebpekid-uyun te Nengazen puun te Zion he Inged ni David.

1 Hadì 8:3

Hein nevurun en is langun he menge edumala te Israel, ne migkuwa zuen te menge memumuhat wey menge Levihanen kes Kavan te Nengazen, ragkes en kes Tulda he Edtelevukaayan wey kes menge segradu he menge gelemiten kayi, ne mid-uwit dan heini langun petekezeg diyà te valey te Nengazen.

1 Cronica 15:15

Mibinting te menge Levihanen haazà is Kavan te Kebpekid-uyun te Megbevayà sumalà te insuǥù te Nengazen ki Moises.

1 Cronica 15:25

Umbe, melipayen he midhendiyà si David wey is menge sineriǥan te Israel, wey is menge peremandar te menge linibu he menge sundaru diyà te valey ni Obed Edom te kegkuwa te Kavan te Kebpekid-uyun te Nengazen.

1 Cronica 16:16

Heini is kebpekid-uyun din, midhimu zin diyà te ki Abraham ne insaad din daan diyà te ki Isaac.

1 Cronica 26:4

Si Obed Edom wey kes walu he menge anak din he menge maama he iyan si Shemaya is kinekekayan, sunud si Jehozabad, Joa, Sacar, Netanel,

1 Cronica 26:5

Amiel, Isacar, wey si Peuletai. Midtuvazan te Megbevayà si Obed Edom.

2 Cronica 5:2

Impetawag ni Hadì Solomon diyà te Jerusalem is menge edumala te Israel wey is langun he menge pengulu te menge tribu wey menge pemilya te Israel, su ibpekuwa zin kandan sikan is Kavan te Kebpekid-uyun te Nengazen puun te Zion he Inged ni David.