2 Samuel 5:6 - Manobo Western Bukidnon OT

⁶ Duen timpu he migenat si David wey is menge sakup din pehendiyà te Jerusalem su edsurungen dan is menge Jebusihanen he meǥinged dutun. Migkaǥi is menge Jebusihanen diyà te ki David te, “Kenè kew ebpekeseled kayi te Jerusalem! Minsan is menge lakap wey menge pigket ne ebpekepugung keniyu te edseled.” Iyan haazà kineǥiyan dan, su neisip dan he kenà iyan ebpekeseled ensi David.

2 Samuel 5:6 Խաչաձեւ Հղումներ

Genesis 14:18

Ne zuen hadì te inged he Salem he si Melkizedek he midsinuǥung daan kandan. Mid-uwit sikandin te supas wey vinu su ibpekaan din wey ibpeinum din ki Abram. Memumuhat si Melkizedek te Utew Lavew he Megbevayà.

2 Samuel 22:30

Tenged te kedtavang nu, ebpekehimu a he edsurung te menge sundaru, ne egpekehimu a zaan he ebpemenahik te verengbeng he nekeliǥuy te inged.

Erubasa 21:22

Is peremandar he metau te paaǥi ebpekaaǥew te inged he mezakel is menge sundaru zuen, ne ebpekerundus heini te menge verengbeng he edseriǥan dutun te menge sundaru.

Jeremias 21:13

Kuntada ku sikiyu is menge tig-Jerusalem, sikiyu is ebpemen-ubpà diyà te melig-en he lugar he ebpekepantew te suǥud. Sikiyu is ebpegalbu he egkaǥi te, ‘Kenè kiw egkemenu kayi! Wazà ebpekeseled kayi te melig-en he inged tew.’

Jeremias 37:10

Minsan egkezaag niw pa is langun he menge sundaru he edsurung keniyu, ne iyan dà egkesamà kandan is menge teǥepalì he ziyà te menge tulda zan, edsurung gihapun sikandan kayi te inged, ne ebinsulan dan heini.’ ”

Josue 10:3

Umbe, mibpeuwit te lalag si Adoni Zedek diyà te ki Hadì Hoham he hadì te Hebron, ki Hadì Piram he hadì te Jarmut, ki Hadì Jafia he hadì te Lakish, wey ki Hadì Debir he hadì te Eglon he ke sikandin te:

Josue 15:63

Piru wazà mesegseg te tribu ni Juda is menge Jebusihanen he meǥinged diyà te Jerusalem. Umbe taman en guntaan kemulu pa sikandan ebpemen-ubpà dutun duma te tribu ni Juda.

Josue 18:28

Zela, Ha Elef, Jebus (he iyan Jerusalem), Gibea, wey Kiriat Jearim: ne 14 langun he inged, ne ebpekeuman pa kayi is dezeisey he menge lugar ziyà te peliǥuy kayi he menge inged. Iyan heini nepengevilin te tribu ni Benjamin he mibahin diyà te kada pemilya zan.

Zatù 1:21

Piru wazà mulà mesegseg te menge kevuwazan ni Benjamin is menge Jebusihanen he menge meǥinged diyà te Jerusalem. Umbe taman en guntaan kemulu ebpemen-ubpà diyà te Jerusalem is menge Jebusihanen duma te menge kevuwazan ni Benjamin.

Zatù 1:8

Midsurung te menge kevuwazan ni Juda is Jerusalem ne naaǥew zan heini. Migerè dan is menge meǥinged dutun ne mibinsulan dan haazà is inged.