2 Samuel 3:27 - Manobo Western Bukidnon OT

²⁷ Hein diyè en si Abner te Hebron, miduma sikandin ni Joab diyà te pultahan te inged he iyan dan dà is dezuwa. Mid-ekalan din te zuen dan kun edlelaǥen. Hein nekeuma zan dutun midunggab ni Joab si Abner ziyà te getek su impenimales din is kedhimetayi ni Abner ki Asahel te suled din. Ne minatey si Abner.

2 Samuel 3:27 Խաչաձեւ Հղումներ

2 Samuel 13:26

Migkaǥi si Absalom te, “Emun kenè ka, ne si Amnon dà nasì he suled ku is ipehendiyè nu.” Mid-insà is hadì te, “Maan is utew nu egkinehenglana he ibpehendiyà?”

2 Samuel 19:13

Ne keǥiya niw heini ki Amasa, ‘Tenged te lengesa ku en sikew, edhimuwen ku sikew he peremandar te menge sundaru ku he id-ilis ku ki Joab. Emun ke kenè ku heini ebeelan, ne berakat he purungi a siluti te Megbevayà.’ ”

2 Samuel 3:26

Mid-awà si Joab dutun te ki David ne midsuǥù he ibpezal-as si Abner. Neseutan dan si Abner ziyà te teheb he Sira ne miduma zan wey mekelikù diyà te Hebron. Piru wazà heini metueni ni David.

2 Samuel 3:28

Hein netuenan haazà ni David, ke sikandin te, “Nesayud is Nengazen he siak wey is menge sakup ku ne wazà keseyuzan te kemetayen ni Abner he anak ni Ner.

2 Samuel 4:1

Hein netuenan ni Ishboshet, he anak ni Saul, he midhimetayan si Abner ziyà te Hebron, utew nahandek sikandin wey is langun he tig-Israel.

1 Hadì 2:5

“Heini pa is pemilinbilin ku kenikew: Netuenan nu ke hengkey is mibeelan ni Joab he anak ni Zeruya kayi te kedì dutun te kedhimetayi zin te zezuwa he peremandar te menge sundaru te Israel he si Abner he anak ni Ner wey si Amasa he anak ni Jeter. Midhimetayan din sikandan he henduen be te menge kuntada, piru mibeelan din haazà te timpu he wazà tebek. Iyan sikandin duen din televaken te kemetayen dan.

1 Cronica 27:21

Diyà te ketengè pa he tribu ni Manase diyà te Gilead: si Iddo he anak ni Zacarias. Diyà te tribu ni Benjamin: si Jaasiel he anak ni Abner.

Erubasa 26:26

Egkehimu he edtembunan din is mezaat he menge tuyù din pinaaǥi te akal, iyan, egketuenan ded is kelelalung din te minsan hentei.

Jeremias 41:2

midhitindeg si Ishmael wey sikan is sepulù he etew, ne midhimetayan dan si Gedalia pinaaǥi te ispada. Umbe mibpatey sikan is midhimu te hadì te Babilonia he gubirnedur ziyà te Juda.

Numero 35:19

Is megeget he kezuzumahi te nepatey iyan duen din ketenged te kedhimatey zuen te nekepatey. Himetayi zin heini emun egkeehè din.

Numero 35:20

“Emun is sevaha he etew he edumut, ne nekepatey te etew pinaaǥi te kedsinumag etawa kedtuleng te minsan hengkey,

Deuteronomio 27:24

“Rinewakan is etew he edhimatey te zuma zin minsan meeles is kebeeli zin kayi.” Ne edtavak is langun te, “Amen!”