2 Samuel 22:2 - Manobo Western Bukidnon OT

^2-3 Iyan heini kanta zin: “Iyan ka, Nengazen, batu he endilungè ku; melig-en he elesè ku wey menluluwas. Iring ka te elesà he vatu, ne ed-eles a ziyà te kenikew. Iyan ka kelasag ku wey mekeǥeǥehem he menluluwas. Iyan ka eputè ku wey elesè ku. Iyan ka midluwas kedì dutun te utew mesipala he menge etew.

2 Samuel 22:2 Խաչաձեւ Հղումներ

2 Samuel 22:32

Iyan ke zà, Nengazen, kes Megbevayà; kes endilungè dey he vatu.

2 Samuel 22:33

Iyan ka ebeǥey kedì te zesen wey ebantey kedì diyà te ibayè ku.

2 Samuel 23:3

Is Megbevayà he iyan is endilungà he vatu te Israel, migkaǥi sikandin kedì, ke sikandin te, ‘Is etew he metazeng is kedumala wey zuen din kegkehandek te Megbevayà,

Salmo 144:2

Iyan sikandin beliǥeǥawen he Megbevayè ku wey melig-en he elesà. Iyan sikandin eputè ku wey menluluwas ku. Iyan sikandin kelasag ku ne ziyà a te kandin ebuyù te pengalang.

Salmo 31:3

Geina te iyan ka endilungè ku wey melig-en he elesà, penurua a wey ǥiyahi a su wey ka meveǥayi te zengeg.

Salmo 42:9

He Megbevayà he endilungè ku, egkaǥi a ziyà te kenikew te, “Maan is edlipatan a kenikew? Maan is kinahanglan pa he egkeseeng a tenged te kedèdaaǥa kedì te menge kuntada ku?”

Salmo 71:3

Kelesaǥi a iring te nekeendilung a te vatu, su ziyè e zà layun te kenikew edangep. Kenà duwazuwa he edlibriyen a kenikew, su iyan ke man endilungè ku wey melig-en he elesà ku.

Salmo 91:2

Ebpekekaǥi a, ke siak te, “Is Nengazen, iyan sikandin eputè ku wey melig-en he elesà. Iyan sikandin Megbevayè ku he edseriǥan ku.”.

Erubasa 18:10

Is Nengazen, iring te melig-en he turi he iyan egkeeputan te menge metazeng su wey zan kenà mekeizi.

Deuteronomio 32:4

Iyan sikandin batu he endilungè ku; utew hustu is menge vaal zin, wey metazeng is langun he menge paaǥi zin. Metinumanen sikandin he Megbevayà ne kenà sikandin egkesayep; metazeng sikandin ne hustu is menge vaal zin.

1 Samuel 2:2

Wazà ebpekeiring te Nengazen su waǥas sikandin. Wazà ebpekerepeng kandin. Wazà eputà he vatu he iring te Megbevayè tew.

1 Samuel 23:25

Hein nekeuma si Saul wey is menge sakup din diyà te Zip, ne mibpen-ehè dan si David. Hein netuenan heini ni David, ne mid-eles sikandin dutun te zekelà he vatu ziyà te sibsivayan te Maon, ne ziyà sikandin med-ubpàubpà. Hein netuenan ni Saul, mibpen-ehè din diyà te sibsivayan te Maon.

1 Samuel 24:2

Umbe, mibpilì sikandin te 3,000 he etew puun te tivuuk he Israel he midhipanew para ebpen-ahà ki David wey te menge sakup din dutun te menge betuwen he ed-ubpaan te menge kambing he menge leew.