2 Samuel 21:21 - Manobo Western Bukidnon OT

²¹ Hein mid-undaunda zin is menge Israilihanen, ne midhimetayan sikandin ni Jonatan he anak te suled ni David he si Simea.

2 Samuel 21:21 Խաչաձեւ Հղումներ

1 Samuel 17:36

Neveelan ku en heini ziyà te erimaung wey ziyà te bir, ne ebeelan ku zaan heini keniyan te Filistihanen he wazà medtuu te Megbevayà, tenged te edhinggaten din is menge sundaru te uuyag he Megbevayà.

1 Samuel 17:10

Guntaan, edhinggaten ku sikiyu! Ipehendini niw is egkeseriǥan niw he ebpekidtebek kedì.”

1 Samuel 16:9

Ne impehendiyè en maan ni Jesse si Shama te ki Samuel. Migkaǥi si Samuel te, “Kenà sikandin kes mibpilì te Nengazen.”

1 Cronica 27:32

Si Jonatan he anggam ni Hadì David, ne iyan megsesambag din. Sevaha sikandin he uluwanen he etew wey menunurat. Si Jehiel he anak ni Hacmoni, ne iyan tigpenurù te menge anak te hadì.

1 Cronica 2:13

Ne iyan kinekekayan he anak ni Jesse, si Eliab, is ikezuwa, iyan si Abinadab, is iketelu, iyan si Shimea,

2 Hadì 19:13

Duen be nehimu te menge hadì diyà te Hamat, Arpad, Sefarvaim, Hena, wey Iva?”

1 Samuel 17:3

Nekedehipaǥà is buntud he midtiǥuman te menge Filistihanen wey is buntud he midtiǥuman te menge Israilihanen, ne suǥud-suǥud is nekepetug-elang dutun.

2 Samuel 21:20

Mid-uman en maan medtebek is menge Filistihanen wey menge Israilihanen; diyà heini meulaula te Gat. Kayi he tebek, duen etew he utew zekelà, he tig-heenem is kemer te kada velad wey paa zin. Sevaha zaan sikandin he menge kevuwazan te menge Rafa.

2 Samuel 21:22

Haazà is heepat he utew dezekelà he menge Filistihanen he menge kevuwazan te menge Rafa he tig-Gat. Mibpenhimetayan sikandan ni David wey te menge sakup din.

2 Samuel 13:3

Duen elukuy ni Amnon he metau he edseligkep he iyan is id-aǥew zin he si Jonadab. Anak sikandin te suled ni David he si Simea.