2 Samuel 2:7 - Manobo Western Bukidnon OT

⁷ Ne ǥuntaan, pekelig-en kew wey pekevurut kew minsan te minatey en si Saul he egalen niw. Iyan a mibpilì te menge tig-Juda he iyan hadì dan.”

2 Samuel 2:7 Խաչաձեւ Հղումներ

Genesis 15:1

Ne hein neiwas haazà, mibpekidlalag ki Abram is Nengazen , ke sikandin te, “Abram, kenè ka mahandek, su edlevanan ku sikew wey ebeǥayan ku sikew te utew zekelà he suhul.”

2 Samuel 10:12

Ebpekezesen kiw! Ebpekevurut kiw he ebpekidtebek para te menge keet-etawan tew wey te menge inged te Megbevayè tew. Su ebeelan te Nengazen ke hengkey is meupiya para kandin.”

2 Samuel 2:6

Berakat he ipaahà te Nengazen is gaǥew zin wey kebmetinumanen din diyà te keniyu, ne ibpeehè ku zaan is kebpurungi ku keniyu tenged te mibeelan niw.

2 Samuel 2:8

Dutun he timpu, is peremandar te menge sundaru ni Saul he si Abner he anak ni Ner midhendiyà te Mahanaim. Miduma zin si Ishboshet he anak ni Saul.

2 Samuel 5:3

Umbe, ziyà te Hebron, mibaal si David te kebpekid-uyun te menge pengulu te Israel ziyà te etuvangan te Nengazen, ne midlenahan dan is ulu ni David te lana he ibpeehè dan he iyan en sikandin hadì te Israel.

2 Hadì 11:12

Ne zutun impeǥawas ni Jehoyada si Joash he anak te hadì ne migkurunahan. Ne mibeǥayan din sikandin te kupya te menge sulunuzen mehitenged te kedumalà te hadì, ne impezayag din is kegkehimuwa ki Joash he hadì. Midlenahan din sikandin he ebpekilala he hadì en sikandin, ne mibpelakpak is menge etew wey nemengulahì te, “Mebmeluǥayad is untung te hadì!”

Nehemias 2:18

Midtudtul ku zaan kandan is menge meupiya he mibeelan te Megbevayà kayi te kedì wey ke hengkey is migkaǥi te hadì kayi te kedì. Midtavak sikandan te, “Sigi, ed-umanan tew ebenguna sikan is menge verengbeng.” Umbe nengandam sikandan te kebpuun kayi te meupiya he vuluhaten.

1 Samuel 31:12

Ne zutun migenat is langun he menge mevurut he etew zutun te kandan te tivuuk mezukilem taman te nekeuma zan diyà te Bet Shan. Migkuwa zan is lawa ni Saul wey is menge anak din dutun te berengbeng te Bet Shan, ne mid-uwit dan diyà te Jabesh ne mibinsulan dan.

1 Samuel 31:7

Haazà he timpu ne zuen menge Israilihanen he ziyà med-ubpà te divaluy he menge suǥud he Jezreel wey ziyà layun te Wahig he Jordan. Hein neehè dan he nememelaǥuy is menge sundaru te Israel wey nepatey en si Saul wey kes menge anak din, ne mid-ewaan dan is menge inged dan ne mibpelaǥuy zan daan. Ne midselezan haazà te menge Filistihanen is menge inged ne iyan dan en dutun mid-ubpà.

1 Samuel 4:9

Piru, ebpekevurut kiw, ne kenè kiw egkahandek para kenè kiw meuripen te menge Hebriyuhanen iring te kegkeuripena tew kandan dengan. Umbe ebpekidtebek kiw kandan!”