2 Samuel 19:9 - Manobo Western Bukidnon OT

⁹ Nekedlelawan dutun is tivuuk he Israel. Ke sikandan te, “Midluwas kiw ni Hadì David diyà te menge kuntada tew he menge Filistihanen, piru mibpelaǥuy sikandin kayi te nasyun tew tenged dà ki Absalom.

2 Samuel 19:9 Խաչաձեւ Հղումներ

2 Samuel 15:14

Ne migkeǥiyan ni David is langun he menge upisyal zin he zuma zin diyà te Jerusalem te, “Ebpelaǥuy kiw, su kela ke meumahi kiw ni Absalom kayi, ne penhimetayi kiw wey is langun he meǥinged kayi te Jerusalem. Pekeǥaan kew, emun egkesuat kew he ebpekelikey ki Absalom.”

2 Samuel 18:17

Migkuwa zan haaza is lawa ni Absalom ne in-ulug dan te vudsi ziyà te ketelunan ne midtembuan dan te mehabet he menge vatu. Ne nemelaǥuy is langun he menge sundaru te Israel ne mibpemen-ulì dan.

2 Samuel 19:10

Guntaan, si Absalom is mibpilì tew he iyan pengulu tew minatey ziyà te tebek. Deyzey ke ebpengehè kiw te paaǥi he ikepelikù tew si David te kedhadì?”

2 Samuel 19:40

Hein nekerapas en si David, ne midhendiyà sikandin te Gilgal duma si Kimhan wey is langun he menge sundaru te Juda wey is ketengà te menge sundaru te Israel.

2 Samuel 22:44

Midluwas a kenikew, Nengazen, te ebpekidsukulà kedì he menge etew. Midhimu a kenikew he pengulu te menge nasyun. Is menge lumelengyawà, ne ebpenilbi kedì.

2 Samuel 5:20

Ne nemenggenat ensi David pehendiyà te Baal Perazim, ne zutun nezaag dan is menge Filistihanen. Migkaǥi si David te, “Migerà te Nengazen is menge kuntada ku he henduen be te mibeyaan te zekelà he zalem, ne utew ku heini nemetmetahi.” Umbe migngezanan haazà he lugar he Baal Perazim.

Salmo 18:43

Midluwas a kenikew te ribildi he menge etew. Midhimu a kenikew he pengulu te menge nasyun. Is menge lumelengyawà ne ebpenilbi kedì.

Exodus 32:24

Ne impeuwit ku kandan kayi te kedì is menge zayandayan dan he vulawan, ne sikan is duen dan, mibpemul-ut dan, ne imbeǥey zan kedì ne midtunew ku haazà diyà te hapuy ne pinaaǥi zutun nehimu is ledawan te tudu he vaka.”

1 Samuel 17:50

Umbe, pinaaǥi te lempawes nekezaag si David ki Goliat wey pinaaǥi zà te sevaha zà he vatu. Nepatey zin si Goliat minsan wazè din ispada.

1 Samuel 18:25

migkaǥi si Saul te, “Keǥiyi niw si David te iyan dà ebuyù en ku he sunggud te kebpengesawa zin te anak ku is menge lundis te purù te sudiyà te 100 he menge Filistihanen, he iyan kebpekevales ku kandan te menge kuntada ku.” Iyan haazà planu ni Saul para mepatey si David te menge Filistihanen.

1 Samuel 19:5

Imbelavag din is untung din te kedhimetayi zin duen te Filistihanen he si Goliat, ne impezaag te Nengazen is tivuuk he Israel. Neehè nu heini ne utew ka nesuat. Ne maan is edhimetayan nu is sevaha he etew he wazà peleng he etew iring ki David te wazè nu zuen ibpuun?”