2 Samuel 19:14 - Manobo Western Bukidnon OT

¹⁴ Tenged kayi, neuwit ni David is langun he tig-Juda ne nesevaha is isip dan. Mibpeuwitan dan te lalag si David he egkaǥi te, “Sikew wey is langun he menge sakup nu, likù kew en kayi te kenami.”

2 Samuel 19:14 Խաչաձեւ Հղումներ

2 Samuel 17:25

Mibpilì ni Absalom si Amasa he in-ilis din ki Joab he iyan peremandar te menge sundaru. Heini si Amasa ne anak ni Jeter he Ismailihanen. Iyan iney zin si Abigail, he anak ni Nahash, te suled te iney ni Joab he si Zeruya.

2 Samuel 20:4

Ne zutun migkeǥiyan dutun te hadì si Amasa te, “Umawa nu is langun he menge sundaru te Juda ne pehendiyè kew te kedì te iketelu he andew puun guntaan.”

2 Samuel 22:44

Midluwas a kenikew, Nengazen, te ebpekidsukulà kedì he menge etew. Midhimu a kenikew he pengulu te menge nasyun. Is menge lumelengyawà, ne ebpenilbi kedì.

2 Samuel 3:9

Emun iyan heeyan, ne deyzey pa ke ed-uǥupan ku si David he metuman is saad kandin te Nengazen, ne verakat he siluti a te Megbevayà emun ke kenè ku sikandin edtevangan.

2 Samuel 5:1

Midhendiyà is langun he tribu te Israel te ki David diyà te Hebron he egkaǥi te, “Menge kezuzumahi key kenikew.

Zatù 20:1

Is langun he menge Israilihanen puun te Dan pehendiyà te Beersheba, wey puun te Gilead, midtiǥum diyà te Mizpa, diyà te etuvangan te Nengazen.