2 Samuel 14:3 - Manobo Western Bukidnon OT

³ Ne pehendiyè ka te hadì ne keǥiya nu kandin is migkaǥi ku kenikew.” Ne migkaǥi ni Joab kandin is egkeǥiyen din diyà te hadì.

2 Samuel 14:3 Խաչաձեւ Հղումներ

2 Samuel 14:19

Mid-insà is hadì te, “Iyan be si Joab mibpenurù kenikew kayi?” Midtavak haazà is bahi te, “Kena a ebpekevelivad te tavak te insè nu, Mahal he Hadì. Uya, si Joab he suluǥuen nu is midsuǥù kedì te kebaal kayi wey iyan sikandin mibpenurù ke hengkey is egkeǥiyen ku.

2 Samuel 14:4

Hein nekeuma haazà is bahi ziyà te hadì, midluhud sikandin tuus te kedtahud he egkaǥi te, “Tevangi a, Mahal he Hadì!”

Ezra 8:17

Impehendiyè ku sikandan te ki Iddo he pengulu ziyà te lugar he Casifia su wey zan mehengyui sikandin wey menge kezuzumahi zin he menge suluǥuen diyà te valey te Megbevayà he medsuǥù dan te menge etew he ebpekepenilbi ziyà te valey te Megbevayà.

Exodus 4:15

Lelaǥi nu sikandin, ne ipenurù nu kandin is egkeǥiyen din. Ne ed-uǥupan ku sikiyu is dezuwa te kegkaǥi, wey ibpenurù ku keniyu is ereg he ebeelan niw.

Isaias 51:16

Impenurù ku keniyu is ereg he egkeǥiyen niw, wey ebpengelangan ku sikiyu pinaaǥi te ǥehem ku. Iyan a mibpelastar te langit wey midsavuk te menge midtukuzan te kelibutan, wey iyan a migkaǥi ziyà te Jerusalem te, ‘Gaked ku sikew.’ ”

Isaias 59:21

Ne iyan heini kebpekid-uyun ku keniyu: Kenà egkaawà is Mulin-ulin ku he ziyà te keniyu wey is menge lalag he migkaǥi ku keniyu. Tudtula niw heini ziyà te menge anak niw, ne edtudtulen dan daan heini ziyà te kandan he menge anak, ne ebpedayun heini pehendiyà te huziyan he menge lapis te kevuwazan. Iyan a, is Nengazen, is migkaǥi kayi.”

Jeremias 1:9

Ne migkevit te Nengazen is bèbè ku he ke sikandin te, “Idsavuk ku guntaan diyà te vèbè nu is menge lalag ku he egkeǥiyen nu.

Numero 23:5

Ne migkaǥi te Nengazen diyà te ki Balaam is ibpetuenan din, ke sikandin te, “Likù ka ziyà te ki Balak ne keǥiya nu kandin heini he menge lalag is migkaǥi ku.”

Deuteronomio 18:18

Edsuǥù a ziyà te kandan te ebpeneuven ku he iring kenikew, su zuma zan he Israilihanen. Ne ibpekaǥi ku kandin is langun he egkesuatan ku te egkaǥi ziyà te kandan.