2 Samuel 13:12 - Manobo Western Bukidnon OT

¹² Migkeǥiyan ni Tamar sikandin te, “Kenà a leyuǥa! Telesuled ki! Kenè nu veeli heini is mekeeled-eled he vaal kayi te kedì. Kenà heini engayan he egkeulaula kayi te Israel.

2 Samuel 13:12 Խաչաձեւ Հղումներ

Genesis 34:2

Naahà sikandin ni Shekem he anak ni Hamor he Hivihanen, he pengulu zengan dutun he lugar. Mid-eǥen din si Dina ne midlayug din.

Genesis 34:7

Ne hein netudtulan is menge anak ni Jacob he menge maama zutun te neulaula, segugunè dan mid-ulì. Utew mibmezaat is gehinawa zan ne utew zan egkepeuki si Shekem tenged te mid-ulaula zin he kenà meupiya he vaal, he nekeveǥey te keelezan te pemilya ni Jacob.

Erubasa 7:7

ne neehè ku is menge vetan-en he menge maama he wazè dan pa utew pereg, ne nesusi ku he is sevaha kandan egketalengtaleng.

Jeremias 29:23

Egkehitavù heini kandan su nekevaal zan te mezaat he vaal ziyà te Israel. Nengumpadi sikandan te esawa te zuma wey migamit dan is ngazan ku zutun te kedtarùtarù dan, ne wazà ku isuǥù kandan is kebaal kayi. Netuenan ku heini is mibeelan dan, ne igkepeehè ku is puriba kayi. Iyan a, is Nengazen, is migkaǥi kayi.”

Leviticus 18:11

Kenè ka mebpekidhilavet te anak he vahi te amey nu ziyà te zuma he esawa zin, su suled nu zaan sikandin.

Leviticus 18:9

Kenè ka mebpekidhilavet te etevey nu, minsan etevey nu zà sikandin diyà te amey nu etawa iney nu, midekelè man sikandin duma keniyu wey ke wazà.

Leviticus 20:17

Emun is maama ebpengesawa wey ebpekidhilavet te etevey zin, minsan ke suled din dà heini ziyà te amey etawa iney, mibpeel-elezan din haazà is suled din ne zuen din televaken. Ne ǥeina te mekeeled-eled haazà is mibeelan dan te zezuwa, ne kenè niw en sikandan isipa he zuma niw.

Deuteronomio 22:21

ne ed-uwiten haazà is bahi diyà te etuvangan te valey te amey zin ne edtulengen sikandin te vatu te menge maama zutun te inged taman te kebpatey zin. Su mekeeled-eled he vaal is mibeelan din diyà te Israel pinaaǥi te kebpehilavet dutun te ziyè pa sikandin ed-ubpà te valey te amey zin. Kinahanglan he id-awè niw heini he mezaat he vaal ziyà te keniyu.

Deuteronomio 22:29

kinahanglan he ibpevayad haazà is maama te 50 he vuuk he pelata ziyà te amey te vahi. Ne kinahanglan he ed-esewaan din haazà is bahi su mibpeǥes din man, ne kinahanglan he kenè din edsuwayan mintras uuyag pa sikandin.

Zatù 19:23

Midtavak haazà is meǥurang te, “Menge suled, meǥeliyug ku heini is etew, umbe kenè niw veeli ziyà te kandin heeyan is meremerik wey mekeeled-eled he vaal.

Zatù 20:6

Umbe, mid-uwit ku te ked-ulì ku is lawa zin ne mibpenamped ku te 12 he vahin ne impeuwit ku ziyà te 12 he tribu te Israel, su utew mezaat wey mekeeled-eled heini is mibeelan dan kayi te Israel.