2 Samuel 12:16 - Manobo Western Bukidnon OT

¹⁶ Midhangyù si David diyà te Megbevayà para zutun te vatà. Midseled sikandin diyà te ruǥu zin ne mibpuasa ne kada mezukilem ne ziyè dà edlipezeng te saag.

2 Samuel 12:16 Խաչաձեւ Հղումներ

2 Samuel 12:15

Hein mid-ulì en si Natan, impezaru te Nengazen is anak ni David diyà te ki Batsheba.

2 Samuel 12:22

Midtavak si David te, “Uya, mibpuasa a wey midsineǥew a hein uuyag pa kes batà su iyan egkeisip ku is kela ke mehizuwi e zed te Nengazen ne kenè din ded idtuǥut he mebpatey kes batà.

2 Samuel 13:31

Midhitindeg si David ne mibindas din is kumbalè din su impeehè din he utew sikandin neseeng, ne midlangkeb diyà te tanà. Mibpemindas daan te menge suluǥuen din is menge kumbalè dan ne midhitindeg dan dà mulà.

1 Hadì 21:27

Kegkezineǥa ni Ahab dutun te migkaǥi ni Elias, mibindas din is bisti zin ne mibivisti te saku, ne mibpuasa. Midlipezeng sikandin he bivisti te saku wey midhiphipanew is neseeng.

Nehemias 1:4

Ne hein nezineg ku haazà, mibpinuu a is midsineǥew. Nepipira he andew is kedlalew ku, kebpuasa ku, wey kebpengemuyù ku ziyà te etuvangan te Megbevayà diyà te langit.

Ester 4:16

“Genat ka, ne tiǥuma nu is langun he menge Judio he kayi te Susa ne puasa kew para kediey. Kenè kew megkaan wey med-inum seled te tetelu he andew wey tetelu he kezukileman. Ebpuasa a zaan wey is menge suluǥuen ku he menge vahi. Ne emun egkepasad, ne edhendiyà a te hadì minsan pa te supak heini te kesuǥuan. Belaǥad ke himetayi a.”

Salmo 50:15

Umawa a keniyu te timpu te kelised su edlibriyen ku sikiyu, ne zutun edeliǥen a keniyu.”

Salmo 69:10

Emun edsineǥew a wey ebpuasa a, ne ebpeel-elezan e zan.

Isaias 22:12

Dutun he andew mid-umew kew te Nengazen he MEGBEVAYÀ he Mekeǥeǥehem su ibperuǥur kew zin wey ibpesineǥew. Migkeǥiyan kew zin he ipetuusi niw is kedlalew niw pinaaǥi te kepevangul niw wey kebivisti niw te saku.

Isaias 26:16

Nengazen, mibmansu nu is menge etew nu, ne tenged te kedlised dan midangep dan wey mibpengumew-umew kenikew.

Daniel 6:18

Ne mid-ulì si Hadì Darius diyà te turuǥan din. Wazà sikandin megkaan dutun he kezukileman wey wazè en sikandin mebpehimu te kelingawan he iyan pezem neleyaman din. Ne wazà sikandin mekelipezeng.

Daniel 9:3

Ne tenged dutun midangep a ziyà te Nengazen he Megbevayà pinaaǥi te ked-ampù. Mibpuasa a, mibivisti a te saku, wey mibukbukan ku te avu is ulu ku tenged te kegkeseeng ku.

Jonas 3:9

Su kela ke maawè ded is pauk te Megbevayà kenitew. Kela ke meilisi zed is pauk din te hizu ne kenè kiw zed egkengeǥerà.”

Josue 7:6

Ne tenged te kegkeseeng, si Josue wey is ebpemendumala te Israel, mibindas dan is menge visti zan ne mibukbukan dan te eliyavuk is menge ulu zan, ne taman te mezukilem, midlangkeb dan diyà te etuvangan duen te Kavan te Kebpekid-uyun te Nengazen.