2 Samuel 1:24 - Manobo Western Bukidnon OT

²⁴ Sikiyu is menge vahi te Israel, rurun kew para ki Saul. Su tenged kandin nekevivisti kew te mahal he visti wey menge elahas he vulawan.

2 Samuel 1:24 Խաչաձեւ Հղումներ

2 Samuel 1:23

Utew mibmahal te menge Israilihanen si Saul wey si Jonatan su nesuatan dan sikandan. Wazè dan mekedsuwey taman te kemetayen dan. Diyà te tebek, henduen be te meǥaan pa sikandan te vanug wey mezesen dan pa te erimaung.

2 Samuel 1:25

Nemematey en is menge memevurut he sundaru te Israel te tebek. Minatey en si Jonatan diyà te menge vuvungan.

Salmo 68:12

“Nemelaǥuy is menge hadì wey is menge sundaru zan, ne is menge azen dan mibahin te menge vahi he tig-Israel.

Erubasa 25:12

Is kedawey te etew he uluwanen te etew he egkesuat he ebpemineg mahal pa heini kenà te elahas he vulawan.

Erubasa 31:21

Emun timpu te meǥenew, ne kenè din igkeseeng haazà su zuen mekepal he manggad para te pemilya zin.

Jeremias 2:32

“Egkelipatan be te raǥa is elahas din etawa visti zin te eseweey? Kenà, piru sikiyu is menge etew ku, nelipatan a keniyu seled te neuǥet he timpu.

Zatù 5:30

“Iyan buwa ingkeuǥet dan is kebpenguwa wey kebahin te menge azen he naaǥew zan: kela ke sevaha etawa zezuwa he vahi is para te sevaha he sundaru, ne zuen mahalen he menge visti he para ki Sisera, wey zuen mekempet he menge visti he mibpurungan burdahi he para kediey.”