2 Cronica 18:1 - Manobo Western Bukidnon OT

¹ Kayi he timpu si Jehoshafat ne midekelà utew is ketiǥeyunan din wey nevantug, wey utew meupiya is kedepitè dan ki Ahab he Hadì te Israel tenged te kebpeked-esawa te menge sakup te pemilya zan.

2 Cronica 18:1 Խաչաձեւ Հղումներ

2 Cronica 17:5

Midlig-enan te Nengazen is ginhedian dutun te kandin he kedhadì. Mid-uwitan sikandin te langun he menge tig-Juda te gasa, umbe midekelà is ketiǥeyunan din wey nevantug.

2 Cronica 21:6

Midsunud din is mibeelan te menge hadì te Israel, iring te mibeelan te pemilya ni Ahab, su neesawa zin is anak ni Ahab. Mezaat is ulaula zin diyà te etuvangan te Nengazen.

2 Cronica 19:2

ne midsinuǥung sikandin te ebpeneuven he si Jehu he anak ni Hanani ne migkeǥiyan din te, “Maan is mid-uǥupan nu is lalung wey mibmahal nu haazà is menge etew he mibpekidkuntada te Nengazen? Tenged kayi, nepauk is Nengazen kenikew.

2 Hadì 8:18

Midsunud din is mibeelan te menge hadì te Israel, iring te mibeelan te pemilya ni Ahab, su neesawa zin is anak ni Ahab. Mezaat is ulaula zin diyà te etuvangan te Nengazen.

2 Cronica 18:31

Hein naahà dutun te menge peremandar te menge kerwahi si Jehoshafat, ne kunaan dan ke iyan en sikan is hadì te Israel, umbe midtebek dan en sikandin. Piru mibuyù te tavang si Jehoshafat diyà te Nengazen, ne midtevangan din sikandin pinaaǥi te kebpeeliǥuwa te menge kuntada zin.

2 Cronica 17:12

Umbe, mibmelig-en utew si Jehoshafat. Umbe mibpehitindeg sikandin diyà te Juda te melig-en he menge kutà wey menge inged he para te menge budiga.

2 Hadì 11:1

Hein netuenan ni Atalia he minatey en is anak din he si Hadì Ahazia he hadì te Juda, midisisyun sikandin he ebpenhimetayan din is langun he sakup te pemilya te hadì.

1 Hadì 21:25

(Wazà etew he mibpeveyveyaan din is keugelingen din pinaaǥi te kebaal te mezaat diyà te etuvangan te Nengazen te iring kezaat te mibeelan ni Ahab, tenged te ked-iniyata kandin te esawa zin he si Jezebel.

1 Hadì 22:1

Wazà mebpetebekà is menge Aramihanen wey menge Israilihanen seled te tetelu he tuig.

1 Hadì 22:45

Is duma pa he ǥuǥud mehitenged te kedhadì ni Jehoshafat, wey is nevantug he menge vaal zin, wey is menge kebpekidtebek din, ne ingkesurat diyà te Libru he Midsuratan te menge Keguǥuza te menge Hadì te Juda.

2 Cronica 20:35

Piru te huziyan en he vahin te kedhadì ni Jehoshafat diyà te Juda, nekiduma sikandin ki Hadì Ahazia he hadì te Israel he sevaha he mezaat he etew.