1 Samuel 9:2 - Manobo Western Bukidnon OT

² Heini si Kish, duen anak din he egngezanan ki Saul he vetan-en pa. Mekempet he kenakan. Diyà te Israel wazà ebpekerepeng kandin te kekempet wey wazà ebpekerepeng kandin te kelangkew; iyan sikandin kinemelengkawan diyà te Israel.

1 Samuel 9:2 Խաչաձեւ Հղումներ

Genesis 6:2

Naahà duen te menge anak te Megbevayà he memekempet is menge vahi he anak te menge etew, ne mid-esawa zan dutun is menge vahi sumalà is egkesuatan dan.

1 Cronica 8:33

Si Ner ne amey ni Kish, si Kish ne amey ni Saul, ne si Saul ne amey ni Jonatan, Malkishua, Abinadab, wey si Eshbaal.

Jeremias 9:23

Migkaǥi pa is Nengazen te, “Kenà ereg he ibpahambug te uluwanen is ketau zin, wey is desen din emun mezesen sikandin, wey is ketiǥeyunan din emun sepian sikandin.

Numero 13:33

Duen dey pe man ganì naahà he menge eregasi he menge kevuwazan ni Anak. Henduen dà te menge pelaǥà is ked-isipa zey te keugelingen dey emun idhindeg kandan, ne iyan daan heeyan ked-isipa zan kenami.”

1 Samuel 10:21

Impeuvey ni Samuel te etuvangan is tribu ni Benjamin he mibpesibsivayà is kada sengeepuan, ne iyan nepilì is teǥiapù ki Matri. Ne is nepilian dutun te menge grupu te menge pemilya he teǥiapù ki Marti iyan si Saul he anak ni Kish. Piru hein mibpen-ehè dan si Saul, wazè dan maahà.

1 Samuel 16:7

Piru migkaǥi is Nengazen diyà te ki Samuel te, “Kenè nu iyan ahaa is dagwey wey is kelangkew. Is tutuu wazè ku sikandin pilia. Su is ed-ahaan ku ne kenà iring te ed-ahaan te etew. Su is etew iyan ed-ahaan din is dagwey, piru siak iyan ed-ahaan ku is gehinawa.”

1 Samuel 17:4

Duen sevaha he etew he tig-Gat he metau he ebpekidtebek. Iyan ngazan din si Goliat. Migawas dutun te kampu te menge Filistihanen ne mid-uvayan din is kampu te menge Israilihanen. Subra he siyam he ǥiek is kelangkew zin.

1 Samuel 9:3

Sevaha zutun he andew, nengetazin kes menge asnu ni Kish, he amey ni Saul, ke sikandin te, “Dumaha nu is sevaha zutun te suluǥuen nu wey niw pen-ahaa kes menge asnu.”