1 Samuel 9:17 - Manobo Western Bukidnon OT

¹⁷ Ne hein naahà ni Samuel si Saul, migkeǥiyan te Nengazen si Samuel te, “Iyan heini kes etew he migkaǥi ku kenikew. Sikandin is edumala te keet-etawan ku.”

1 Samuel 9:17 Խաչաձեւ Հղումներ

Nehemias 13:19

Umbe, insuǥù ku he edsireduwan is pultahan te inged emun mezukilem te Birnis, ne kenà heini ed-ebriyen taman te egketapus is Andew te Kedhimeley. Impeventayan ku te menge etew ku is menge pultahan su para wazà minsan hengkey he velegyà he igkeseled dutun te inged te Andew te Kedhimeley.

Nehemias 13:25

Umbe, mibpemeukan ku wey midrewakan ku heini he menge tig-Juda. Midlagkut ku is duma kandan wey migingit ku. Impepenangdù ku sikandan pinaaǥi te ngazan te Megbevayà, he sikandan wey is menge anak dan, ne kenè en mebpengesawa etawa mebpeesawa te kenà menge Israilihanen.

Jeremias 32:8

“Ne ǥeina te iyan heeyan migkaǥi te Nengazen, midhengkayi te kediey si Hanamel he id-aǥew ku, kayi te ubpeey te menge vantey. Ke sikandin te, ‘Deyzey ke ebpemesahan nu is bevesukè ku ziyà te Anatot he nesakup te tanà te tribu ni Benjamin. Duen nu ketenged wey ketengdanan te kedlekat wey ked-angken kayi, umbe pemesaha nu en heini para kenikew.’ ” Netuenan ku he iyan migkaǥi zutun is Nengazen,

1 Samuel 3:13

Su mibpetizeenan ku sikandin he edsilutan ku is pemilya zin taman te taman tenged te mibpesagdan din is menge anak din te kebaal te salà he utew mekeeled-eled minsan netuenan din haazà.

1 Samuel 9:18

Mid-uvey si Saul ki Samuel diyà te pultahan te inged ne mid-insaan din te, “Hendei kayi zapit is baley te menenagnà?”