1 Samuel 8:15 - Manobo Western Bukidnon OT

¹⁵ Egkuwaan din is ikepulù te egkeraǥun niw he trigu wey menge paras, ne ibeǥey zin heini te menge upisyal zin wey te zuma pa he menge suluǥuen din.

1 Samuel 8:15 Խաչաձեւ Հղումներ

Genesis 37:36

Ne mid-uwit si Jose te menge Midianhen diyà te Ehipto ne imbelegyè dan sikandin diyà te ki Potifar he sevaha he upisyal te hadì te Ehipto, he kepitan te menge vantey te turuǥan.

Isaias 39:7

Ne is duma te huziyan he menge kevuwazan nu, ebihaǥen ne egkehimu sikandan he menge suluǥuen diyà te turuǥan te hadì te Babilonia.”

Daniel 1:18

Ne kegkepasad te tetelu he tuig he iyan insuǥù ni Hadì Nebucadnezar, ne mid-uwit sikandan ni Ashpenaz dutun te hadì.

Daniel 1:3

Ne zutun, midsuǥù ni Nebucadnezar si Ashpenaz he pengulu te menge upisyal zin he mebpilì te egkepipira he menge vetan-en duen te menge vihag he menge Israilihanen. Heini he menge vetan-en kinahanglan he ebpuun diyà te lavew wey meupiya is dengeg he menge pemilya.

1 Samuel 8:14

Egkuwaan din is pinekemeupiya he vevesukè niw, menge pemuleey niw te paras, wey is menge pemuleey niw te ulibu, ne ibeǥey zin heini te menge suluǥuen din.

1 Samuel 8:16

Egkuwaan din daan is menge suluǥuen niw he menge maama wey menge vahi wey is pinekemeupiya he vaka niw wey menge asnu ne ziyè din egemita te kandin he terebahu.