1 Samuel 7:15 - Manobo Western Bukidnon OT

¹⁵ Pedayun is kebpengulu ni Samuel te Israel te tivuuk he untung din.

1 Samuel 7:15 Խաչաձեւ Հղումներ

Zatù 2:16

Mibeǥayan te Nengazen is Israel te menge pengulu he edlibri kandan te menge tulisan he edsurung kandan.

1 Samuel 12:1

Migkeǥiyan ni Samuel is langun he Israilihanen te, “Midtuman ku is mibuyù niw kedì; mibeǥayan ku sikiyu te hadì he iyan edumala keniyu.

1 Samuel 12:11

Ne midsuǥù te Nengazen si Gideon, si Barak, si Jefta wey siak, su midluwas dey sikiyu puun te kedsekupa keniyu te menge kuntada niw kayi te nekelingut, umbe guntaan meupiyè en is ked-ubpè niw.

1 Samuel 25:1

Ne mibpatey si Samuel, ne netiǥum dutun is langun he menge Israilihanen ne inlalew zan sikandin. Inleveng dan sikandin diyà te inged din he Rama. Hein nepasad, ne midhendiyà si David te sibsivayan te Maon.

1 Samuel 7:16

Kada tuig, ne edlibuten din is ebpuun te Betel pehendiyà te Gilgal wey Mizpa, su ebpenguluwan din is menge Israilihanen kayi he menge lugar.

1 Samuel 7:6

Dutun te netiǥum en sikandan langun diyà te Mizpa, migkuwa zan te wahig ne in-itis dan diyà te etuvangan te Nengazen. Te haazà he andew mibpuasa zan ne mibuyù sikandan te pesaylu te menge salè he nehimu zan diyà te Nengazen. Si Samuel is nengulu te menge Israilihanen diyà te Mizpa.