1 Samuel 6:6 - Manobo Western Bukidnon OT

⁶ Umbe, kenè niw ipemezesen is gehinawa niw iring te mid-ulaula te menge Ehiptohanen wey kes hadì dan. Wey zan en ipehipanew kes menge Israilihanen hein impaantus dan en utew te Megbevayà.

1 Samuel 6:6 Խաչաձեւ Հղումներ

Job 9:4

Metau wey utew mekeǥeǥehem is Megbevayà. Hentei man is nekezaag he nekigkuntada kandin?

Salmo 95:8

ne kenè niw pekezesena is gehinawa niw iring te mibeelan te menge kepuun niw zengan hein diyà sikandan te Meriba, wey hein diyà sikandan te sibsivayan he Masa.

Exodus 10:3

Ne midhendiyà si Moises wey si Aaron te hadì ne migkeǥiyan dan sikandin te, “Iyan heini migkaǥi te Nengazen he iyan Megbevayà te menge Hebriyuhanen, ‘Sengemenu kun is keluǥayad te kebpelavew nu ziyà te etuvangan ku? Tuǥuti nu te kegenat is menge etew ku su wey zan mekaazap kedì.

Exodus 14:17

Ibpemezesen ku is gehinawa te menge Ehiptohanen su para del-asa kew zan. Piru edèdeetan ku is hadì wey is menge sundaru zin, wey is menge pereuntud din te kudà wey menge kerwahi. Ne pinaaǥi kayi egkevantug a.

Exodus 14:23

Ne midal-as sikandan te menge Ehiptohanen. Midal-as kandan is langun he menge kudà te hadì he eguyud te kerwahi, wey is duma he menge sundaru zin he ebpemen-untud te kudà.

Exodus 4:21

Migkaǥi is Nengazen diyà te ki Moises te, “Emun diyè ke en te Ehipto kinahanglan he ipeehè nu te hadì te Ehipto is langun he menge singyal he impeehè ku kenikew. Imbeǥey ku en kenikew is gehem te ked-ul-ulaha zuen. Ne zutun ebpengelinteuwan ku he kenà haazà med-uteng diyà te ǥehinawa zin su wey kew zin kenà metuǥuti te ked-awà puun te Ehipto.

Exodus 7:13

Iyan, wazà haazà med-uteng diyà te ǥehinawa te hadì ne wazè din pemineǥa si Moises wey si Aaron sumalà is daan he impetizaan kandan te Nengazen.

Exodus 7:14

Ne migkaǥi is Nengazen diyà te ki Moises te, “Mezesen is gehinawa te hadì he kenà edtuǥut he mekeǥenat is menge Israilihanen.

Exodus 8:15

Iyan, hein naahà duen te hadì he naawè en sikan is menge vakbak, ne impemezesen din en maan is gehinawa zin, ne wazà sikandin mebpemineg ki Moises wey ki Aaron, sumalà te nekaǥi te Nengazen.

Exodus 8:32

Ne zutun he timpu impemezesen en maan duen te hadì is gehinawa zin he kenè din edtuǥutan he mekeǥenat haazà is menge Israilihanen.

Exodus 9:16

Iyan, intuǥut ku he meuyag-uyag ka para kayi he ketuyu-an: su wey nu maahà is gehem ku ne wey a mevantug kayi te tivuuk he kelibutan.

Exodus 9:34

Ne hein naahà dutun te hadì he mid-engked en is uzan, is giyew, wey veransì, ne mid-uman en maan sikandin mebpekesalà. Impemezesen din wey te menge upisyal zin is gehinawa zan.