1 Samuel 26:25 - Manobo Western Bukidnon OT

²⁵ Ne migkeǥiyan ni Saul si David te, “Berakat he tuvazi ka te Megbevayà, anak ku. Mezakel pa is ereg he ebeelan nu, ne ebmezeeǥen ka.” Ne zutun migenat si David, ne si Saul ne mid-ulì daan.

1 Samuel 26:25 Խաչաձեւ Հղումներ

Genesis 32:28

Ne migkaǥi haaza is etew te, “Puun guntaan kenè en maan Jacob is igngazan kenikew, kekenà, Israel en tenged te nekibuteng ka te Megbevayà wey te etew, ne nekezaag ka.”

Erubasa 26:25

Minsan pa ke utew meupiya he ebpemineǥen is menge lalag din, kenà ereg he edtuuwan su utew mezaat is netaǥù diyà te gehinawa zin.

Isaias 54:17

Is kada ǥumaan he mibeelan su igkuntra kenikew ne kenà ebpekekaid kenikew, ne egketavak nu is menge ibpesangil kenikew. Is egkepengevilin te menge suluǥuen ku, iyan is kezeeǥan duma is ketazeng. Iyan a, is Nengazen, is migkaǥi kayi.”

Hoseas 12:4

iring te kebpekibuteng din te velinsuǥuen, ne nekezaag sikandin. Midsineǥew sikandin hein ebuyù te penuvadtuvad dutun te velinsuǥuen. Neehè din is Megbevayà diyà te Betel, ne zutun nekidlalag kandin is Megbevayà.

1 Samuel 24:19

Is duma mulà emun egkeehè dan is kuntada zan, ne kenè dan heini ebpesegdanen he mekepelaǥuy. Iyan is Nengazen ebales te keupiya nu he impeehè nu kedì guntaan.

1 Samuel 24:20

Netuenan ku he egkehimu ka he hadì, ne is ginhedian te Israel ne ebmelig-en pinaaǥi te kenikew he kedumala.

1 Samuel 24:22

Ne zutun mibpesarig si David. Ne mid-ulì si Saul, piru si David mulà wey is menge sakup din ne midlikù dan dutun te elesey zan.