1 Samuel 24:3 - Manobo Western Bukidnon OT

³ Nekeuma si Saul zuen te tudil te menge kerehidu he kilid te zalan he zuen dutun surung. Midseled dutun si Saul su ebpekeindes. Dutun bes te surung med-eles si David wey is menge sakup din.

1 Samuel 24:3 Խաչաձեւ Հղումներ

Salmo 141:6

Emun ibpenimbag en diyà te pangpang is menge edumala kandan, ebpeketuu zan he tutuu is menge lalag ku.

Zatù 3:24

Ne hein nekeǥenat en si Ehud, midlikù sikan is menge suluǥuen duen te hadì, ne neehè dan he siradu sikan is gemawan. Kunaan dan ke ziyè dà te indesà dutun te seled sikan is hadì.

1 Samuel 13:2

Ne mibpilì si Saul te 3,000 he menge maama te Israel he para ebpekidtebek te menge Filistihanen. Ne is duma he wazà mepilì ne impemeulì din. Ne miduma zin dutun is 2,000 ziyà te Micmash wey ziyà te vuntud te Betel, ne is 1,000 ne impezuma zin te anak din he si Jonatan diyà te Gibea he sakup te Benjamin.

1 Samuel 26:2

Ne midhendiyà si Saul te sibsivayan te Zif su ebpen-ahaan din si David. Miduma zin is 3,000 he menge sakup din he mibpilì din diyà te Israel.

1 Samuel 26:3

Diyè dan megkampu te uvey te zalan diyà te vuntud he Hakila, he zehipag te edsilaan te Jeshimon. Si David diyà mulà med-ubpà te sibsivayan. Hein netuenan ni David he nenelukun kandin si Saul zutun,