1 Samuel 20:41 - Manobo Western Bukidnon OT

⁴¹ Hein neipus kes batà, midlepew si David dutun te kilid te vatu he mid-elesan din, ne midluhud sikandin diyà te ki Jonatan te ketetelu he iyan kedtahud din kandin. Ne mibpehezekè dan is edsineǥew. Utew neseeng si David.

1 Samuel 20:41 Խաչաձեւ Հղումներ

Genesis 29:11

Nepasad haazà, ne midhezekan din si Raquel, ne nekesineǥew sikandin su nehilelaut.

Genesis 29:13

Hein nezineg ni Laban he zutun si Jacob is enaken din he anak te etevey zin he si Raquel, migègaanan din sinuǥunga. Migkepkepan din ne midhezekan din ne miduma zin diyà te valey zan. Ne ipenudtul ni Jacob ki Laban is langun he nengeulaula.

Genesis 33:4

Ne si Esau mibpelelaǥuy is edsinuǥung ki Jacob ne migkepkepan din ne midhezekan din, ne nekesineǥew zan is dezuwa.

Genesis 42:6

Ne iyan si Jose gubirnedur te tivuuk he ǥinhedian te Ehipto, iyan sikandin ebelegyà te egkeenen diyà te tivuuk he menge meǥinged dutun. Ne zutun te kebpekeuma te menge kakey zin, midluhud dan diyà te etuvangan ni Jose he iyan kedtahud dan.

Genesis 43:28

Ne midtavak dan te, “Uuyag pa is amey zey wey meupiya zed daan sikandin.” Ne mid-uman dan medluhud su ibpeehè dan is kedtahud dan kandin.

Genesis 45:15

Ne midhezekan ni Jose is langun he menge kakey zin he edsineǥaw sikandin. Ne zutun human mekepekidlalag kandin is menge suled din.

2 Samuel 1:2

Iketelu he andew, zuen nekeuma zutun te Ziklag he etew he ebpuun diyà te kampu ni Saul, he nengevindas is kumbalè din, ne nepurung te eliyavuk is ulu zin su ibpeehè din he edlalew sikandin. Midhendiyà sikandin te ki David ne midluhud su edtahud kandin.

2 Samuel 1:26

Utew mesakit is gehinawa ku tenged kenikew, Jonatan, he suled ku! Pelanggè ku utew sikew, su is kebmahala nu kedì, ne lavew pa te kebmahal nu te menge vahi.

2 Samuel 14:4

Hein nekeuma haazà is bahi ziyà te hadì, midluhud sikandin tuus te kedtahud he egkaǥi te, “Tevangi a, Mahal he Hadì!”

2 Samuel 19:39

Ne zutun, migkepkepan ni David si Barzilai ne mibpenubtuvazan din. Ne human medrapas si David wey kes langun he menge sakup din dutun te Wahig he Jordan. Ne mid-ulì en daan si Barzilai ziyà te ubpaan din.

2 Samuel 9:6

Is ngazan te anak ni Jonatan ne iyan si Mefiboshet ne apù sikandin ni Saul. Hein nekeuma sikandin diyà te ki David ne midluhud sikandin he edtahud. Migkaǥi si David te, “Mefiboshet?” Ne midtavak sikandin te, “Uya, datù.”

1 Hadì 1:16

Midluhud si Batsheba su edtahud dutun te hadì. Ne mid-insà haazà is hadì te, “Hengkey is tuyù nu?”

1 Hadì 1:23

Duen etew he migkeǥiyan din haazà is hadì te nekeuma si Natan, umbe impetawag sikandin duen te hadì. Kedseled ni Natan, midluhud sikandin su edtehuzen din haazà is hadì.

1 Hadì 1:31

Ne zutun segugunà midluhud si Batsheba te kedtahud dutun te hadì, ke sikandin te, “Mahal he Hadì David, berakat he mebmeluǥayad is untung nu!”

1 Samuel 10:1

Migkuwa si Samuel te senge umuy he lana, ne in-itis din te ulu ni Saul. Neipus dutun midhezekan din si Saul ke sikandin te, “Is Nengazen iyan mibpilì kenikew he iyan ebpengulu te keet-etawan he gaked din.

1 Samuel 18:3

Midsaad si Jonatan ki David he ebpeelukuyè dan taman te taman su mibmahal ni Jonatan si David iring te keugelingen din.

1 Samuel 20:40

Ne zutun imbeǥey ni Jonatan is menge besut te panà dutun he vatà ne migkeǥiyan din te, “Iulì nu heini ziyà te inged.”

1 Samuel 24:9

Migkaǥi si David diyà te ki Saul te, “Maan is ebpemineǥen nu is menge etew he edsumbung kenikew he duen ku pelanu te kedhimatey kenikew?

1 Samuel 25:23

Hein neehè en ni Abigail si David, ne migaanggaan mebpenaug dutun te asnu ne midluhud diyà te ki David is edtahud, migkaǥi sikandin te, “Datù, pemineǥa a kenikew. Iyan e zà besula.