1 Samuel 2:15 - Manobo Western Bukidnon OT

¹⁵ Emun kenè pa edtutungen is tavà dutun te usa, ed-uvey haazà is menge suluǥuen dutun te etew he nemuhat ne ke sikandan te, “Beǥayi te usa is memumuhat para edtuuǥen. Kenà sikandin egkesuat te sinevawan, iyan egkesuatan din is mehilew.”

1 Samuel 2:15 Խաչաձեւ Հղումներ

Exodus 12:9

Kenè kew kaan te usa he mehilew etawa sinevawan, kekenà, tuuǥa niw heini is tivuuk duma is ulu, paa wey is seled te ǥetek dutun te usa.

Leviticus 3:16

Heini is langun, edtutungen te memumuhat diyà te pemuhatà he pemuhat he keenen. Is kehemut kayi he pemuhat te pinaaǥi te hapuy ne ebpekepenunuat te Nengazen. Is langun he tavà diyà te seled kayi, ne ǥaked te Nengazen.

1 Samuel 2:14

Ne edtiyuken dutun te suluǥuen haazà is usa zutun te seled te kuzen etawa te diniyun. Ne is egketiyuk dutun te tinidur ne iyan bahin dan te menge memumuhat. Iyan heini ebeelan dan kada ebpemuhat is menge Israilihanen diyà te Shilo.

1 Samuel 2:16

Emun egkaǥi is nemuhat he edteǥazan dèpa he ikepemuhat kes tavà te usa ne human din pa egkekuwa is egkesuatan din, iyan heini egkeǥiyen din, “Kenà egkehimu. Kinahanglan he iveǥey nu en guntaan, su emun kenà, ne ed-eǥawen ku heeyan diyà te keniyu.”