1 Samuel 18:10 - Manobo Western Bukidnon OT

^10-11 Sunud dutun he andew, midselezan si Saul te mezaat he mulin-ulin he midsuǥù te Megbevayà, ne ebmutegmuteg sikandin dutun te seled te valey zin. Ne migkuwa ni David is alpa ne intukar zin para ki Saul iring te layun din en ebeeli. Neisip ni Saul zutun te egawed te vangkew is, “Ebengkawen ku si David para mekezeket sikandin kayi te elavat.” Ne zutun mibangkew zin si David te kezezuwa, ne nekelikey si David.

1 Samuel 18:10 Խաչաձեւ Հղումներ

1 Hadì 18:29

Midlavey en is meudtu ne edsigudu ǥihapun sikandan ebpengulahì taman te neuma is uras te mahapun he kebpemuhat, piru wazà mibeǥey te hangyù dan.

1 Hadì 22:12

Iyan daan haazà migkaǥi te langun he menge ebpeneuven. Migkaǥi sikandan te, “Surunga nu is Ramot Gilead, Hadì Ahab ne ebpekezaag ka, su ibeǥey heini kenikew te Nengazen.”

Jeremias 28:11

Ne migkeǥiyan din is menge etew zutun te, “Iyan heini migkaǥi te Nengazen: Is menge etew ziyà te menge nasyun he midsakup ni Hadì Nebucadnezar he hadì te Babilonia iring te mid-eyuǥuwan. Piru edezeetan ku is eyuǥu seled te zezuwa he tuig.” Ne mid-awè dutun si Jeremias.

Zatù 16:20

Mibensag si Delila te, “Samson, duen menge Filistihanen he nekeuma su edekepen ke zan.” Ked-enew ni Samson kunaan din ke ebpekaawà sikandin pinaaǥi te kebeeli zin te iring duen te nehuna he mibeelan din. Wazè din metueni he mid-ewaan en sikandin te Nengazen.

1 Samuel 16:23

Uman ebpekeuma ziyà te ki Saul is mezaat he mulin-ulin he edsuǥuen te Megbevayà, ne egkuwaan en maan ni David kes alpa zin ne idtukar zin. Ne egkeulian segugunà ne ed-awà diyà te kandin kes mezaat he mulin-ulin.

1 Samuel 18:9

Umbe, puun dutun he andew ebenteyanan ni Saul si David su nesina sikandin.

1 Samuel 19:10

ne mibangkew ni Saul si David su tuyù din he edhimetayan din. Piru nekelikey si David. Ne mibpelaǥuy si David te haazà kezukilemi.

1 Samuel 19:7

Hein nepiraan impetawag ni Jonatan si David ne midtudtul zin is neupekatan dan ki Saul. Miduma zin si David diyà te ki Saul, ne zutun midsilbiyan ni David si Saul iring ded duen te nehuna.

1 Samuel 19:9

Sevaha zutun he andew, nekeume en maan diyà te ki Saul is mezaat he mulin-ulin he midsuǥù te Nengazen hein ebpimpinuu sikandin diyà te valey zin is egawed te vangkew. Ne zutun te edtukar si David te alpa,

1 Samuel 26:19

Mahal he Hadì, pemineǥa nu is egkeǥiyen ku. Emun iyan is Nengazen edsuǥù kenikew te kedhimatey kedì, deyzey pezem ke egkehizuwan e zin pinaaǥi te kedewata zin te pemuhat ku. Ne emun ketau zà te etew, ne deyzey pezem ke rewaki sikandan te Nengazen. Su impepelaǥuy e zan puun te tanà he gaked te Nengazen ne migkeǥiyan e zan te ibpesilbi ad te zuma he menge ed-ezapen.