1 Samuel 17:44 - Manobo Western Bukidnon OT

⁴⁴ Ne migkaǥi sikandin te “Uvey ka kayi, su ibpekaan ku is lawa nu he minatey te menge tagbis wey memevurut he langgam!”

1 Samuel 17:44 Խաչաձեւ Հղումներ

2 Samuel 21:10

Ne si Rizpa is anak ni Aya ne migkuwa te saku ne indempas din dutun te vatu su edhidhizeǥaan din. Su ebentayan din haazà is minatey he lawa para kenà mekaan te menge tagbis emun maandew, wey ke mezukilem ne kenà daan egkekaan te menge langgam diyà te ketelunan. Dutun sikandin med-ubpà puun pa te kebpuun te ting-eǥani taman te ked-uzan.

Erubasa 18:12

Is kebpelavew te etew ebpekezezaat kandin, iyan, edeliǥen mulà is etew he kenà mepelevawen.

Jeremias 34:20

Ibeǥey ku sikandan diyà te menge kuntada zan he egkesuat he edhimatey kandan. Ne is menge lawa zan egkehimu he keenen te menge tagbis wey zumezaas he menge langgam.

Jeremias 9:23

Migkaǥi pa is Nengazen te, “Kenà ereg he ibpahambug te uluwanen is ketau zin, wey is desen din emun mezesen sikandin, wey is ketiǥeyunan din emun sepian sikandin.

Ezekiel 28:2

“Sikew is etew, keǥiyi nu is pengulu te Tyre he iyan a, is Nengazen he MEGBEVAYÀ migkaǥi te: Tenged te kebpelavew nu migkaǥi ka he sevaha ka he megbevayà he mibpinuu ziyà te pinuuwà te hadì he ziyà te teliwazà te zaǥat. Piru iyan benar is, minsan mid-isip nu he metau ka iring te megbevayà, ne kenè ka Megbevayà, kekenà, etew ke zà.

1 Samuel 14:12

Ne zutun migkulahì dan si Jonatan wey kes sineriǥan din te gumaan, “Tekezeg kew kayi te kenami, su zuen ibpenurù dey keniyu!” Migkeǥiyan ni Jonatan kes tig-uwit te gumaan din te, “Sunud ka kedì su siguradu he ibpezaag en te Nengazen sikandan te Israel.”

1 Samuel 17:46

Guntaan he andew, ibeǥey ka kedì te Nengazen; edhimetayan ku sikew ne edtempezen ku is lieg nu. Wey te heini he andew ibpekaan ku te menge tagbis wey memevurut he langgam is menge ebpematey he menge Filistihanen. Ne egketuenan te tivuuk he kelibutan he zuen Megbevayà te Israel.