1 Samuel 16:18 - Manobo Western Bukidnon OT

¹⁸ Migkaǥi is sevaha zutun te menge suluǥuen din te, “Duen neehè ku he sevaha he anak ni Jesse he tig-Betlehem ne metau he edtukar te alpa. Gawas pa zutun, mevurut sikandin wey metau he ebpekidtebek. Mataid sikandin wey metau he ebpengaǥikaǥi, wey edtevangan sikadin te Nengazen.”

1 Samuel 16:18 Խաչաձեւ Հղումներ

Genesis 39:2

Midumahan te Nengazen si Jose umbe mid-iseg mebmeupiya is kebpekesavuk din. Diyà sikandin med-ubpà te valey te egalen din he tig-Ehipto he si Potifar.

Genesis 39:23

Haazà is egalen te pirisuwan, wazè en igkesemuki zin duen te langun he insarig din ki Jose su midtuvazan man si Jose te Nengazen ne mibpengelinteuwan din he layun meupiya is minsan hengkey he ebeelan ni Jose.

2 Samuel 14:20

Mibeelan din is iring kayi para kun mebmeupiya is kedepitè niw ki Absalom. Piru netuenan nu heini, Mahal he Hadì, su iring ka te velinsuǥuen te Megbevayà–netuenan nu is langun he egkeulaula kayi te nasyun tew.”

2 Samuel 17:10

Ne minsan is pinekemevurut he sundaru nu, he henduen te mevurut he erimaung, egkahandek. Su netuenan te langun he Israilihanen he is amey nu ne utew nelayam he ebpekidtebek wey mevurut is menge sakup din.

2 Samuel 17:8

Nekilala nu is amey nu wey is menge sakup din; mezesen sikandan wey zumezaas iring sikandan te bir he mid-eǥawan te menge anak din. Iring keniyan is amey nu he nelayam te tebek, wey kenà sikandin ebpekiduma te menge sakup din ke edlipezeng.

Erubasa 12:8

Egkezeliǥan is etew pinaaǥi te ketau zin, piru is etew he egketultulebung, edsudien sikandin.

1 Samuel 10:7

Ne emun egketuman en heini, beeli nu en ke kengkey is meupiya, su zuma nu en is Megbevayà.

1 Samuel 16:12

Umbe, mibpevayaan ni Jesse si David, ne impehendutun. Metaid he meriǥàriǥà is kedlulundis din, wey meupiya he ed-ahaan is mata zin. Migkeǥiyan te Nengazen si Samuel te, “Lenahi nu en is ulu zin su iyan en sikandin nepilì ku.”

1 Samuel 16:17

Umbe, migkeǥiyan ni Saul is menge suluǥuen din te, “Uya, pen-ehè kew te etew he metau he edtukar te alpa ne zumaha niw kayi te kedì.”

1 Samuel 16:19

Midsuǥù si Saul te menge menunudtulà diyà te ki Jesse ne ebpekeǥiyan te, “Ibpehendiyà te kandin si David he tigbantey te menge kerehidu.”

1 Samuel 17:12

Duen anak ni Jesse he si David. Si Jesse ne sevaha he Efratahanen he ziyà ed-ubpà te Betlehem he sakup te Juda. Meǥurang en sikandin dutun te timpu te iyan pa hadì si Saul te Israel. Walu is anak din he pudu maama.

1 Samuel 3:19

Hein dekelè en si Samuel pedayun is kegiyahi kandin te Nengazen; ne minsan hengkey is egkeǥiyen ni Samuel mibpengelinteuwan te Nengazen he metuman.