1 Samuel 16:16 - Manobo Western Bukidnon OT

¹⁶ Umbe, Mahal he Hadì, tuǥuti key te kebpen-ahà te metau he edtukar te alpa, su emun edsemuken ke en maan te mezaat he mulin-ulin he midsuǥù te Megbevayà, idtukar zin is alpa ne ebmeupiya maan is gehinawa nu.”

1 Samuel 16:16 Խաչաձեւ Հղումներ

Genesis 41:46

Mibpenuiǥen dutun si Jose te 30 zutun te timpu te kedhimuwa kandin he lavew he upisyal te hadì. Ne mid-awà sikandin dutun te etuvangan te hadì ne midhipanew he midtukid din susiya is langun he menge inged diyà te Ehipto.

1 Hadì 10:8

Utew zeyzey is menge sakup nu! Utew zeyzey is menge upisyal nu he ebpenilbi kenikew su lelayun dan egkezineg is ketau nu.

2 Hadì 3:15

Sigi, dumaha kayi te kediey is etew he metau he edtukar te alpa.” Ne zutun te kedtukar te alpa, midumala si Elisha te ǥehem te Nengazen,

1 Samuel 10:5

Ne te kebpekeuma nu ziyà te Buntud te Megbevayà, he zutun is kampu te menge Filistihanen ne zuen egkesinuǥung nu he grupu te menge ebpeneuven he edtupang puun te simbahan diyà te metikang he lugar. Edtukar sikandan te alpa, tamburin, pulalà, wey lira is ebpemenagnà.

1 Samuel 16:14

Dutun he timpu mid-awà diyà te ki Saul is Mulin-ulin te Nengazen, ne midrasey sikandin te mezaat he mulin-ulin he midsuǥù te Nengazen.

1 Samuel 16:15

Migkaǥi is menge suluǥuen ni Saul te, “Ibpaantus ka te mezaat he mulin-ulin he midsuǥù te Megbevayà.

1 Samuel 16:17

Umbe, migkeǥiyan ni Saul is menge suluǥuen din te, “Uya, pen-ehè kew te etew he metau he edtukar te alpa ne zumaha niw kayi te kedì.”

1 Samuel 18:10

Sunud dutun he andew, midselezan si Saul te mezaat he mulin-ulin he midsuǥù te Megbevayà, ne ebmutegmuteg sikandin dutun te seled te valey zin. Ne migkuwa ni David is alpa ne intukar zin para ki Saul iring te layun din en ebeeli. Neisip ni Saul zutun te egawed te vangkew is, “Ebengkawen ku si David para mekezeket sikandin kayi te elavat.” Ne zutun mibangkew zin si David te kezezuwa, ne nekelikey si David.

1 Samuel 19:9

Sevaha zutun he andew, nekeume en maan diyà te ki Saul is mezaat he mulin-ulin he midsuǥù te Nengazen hein ebpimpinuu sikandin diyà te valey zin is egawed te vangkew. Ne zutun te edtukar si David te alpa,