1 Samuel 15:11 - Manobo Western Bukidnon OT

¹¹ “Mibesulan ku is kedhimuwa ku ki Saul he hadì, tenged te mid-iniyuǥan e zin ne wazè din daan tumana is suǥù ku.” Hein nezineg haazà ni Samuel, utew sikandin nepauk, umbe midhangyù sikandin diyà te Nengazen te tivuuk he kezukileman.

1 Samuel 15:11 Խաչաձեւ Հղումներ

Genesis 6:6

Ne neisip din he zeyzey pezem ke wazè din limbaǥa is menusiyà ne utew sikandin dutun neseeng.

Genesis 6:7

Umbe ke sikandin te, “Edlumpiyuwan ku is kelibutan su edlimasen ku zutun is menge etew he linimbag ku. Edhimetayan ku is menge etew, menge langgam, menge keranapranap wey is menge tagbis he ziyà te hewhewanan, su deyzey pa pezem ke wazè ku sikandan limbaǥa.”

2 Samuel 24:16

Hein naandam en is belinsuǥuen he edezaat pezem te Jerusalem, ne nahalin is isip te Nengazen te kedsilut te menge etew. Ne zutun migkeǥiyan din haazà is belinsuǥuen he edsilut dutun te menge etew te, “Hustu en! Kenè nu en sikandan siluti.” Haazà he timpu diyà haazà is belinsuǥuen te Nengazen te gunasà ni Arauna he Jebusihanen.

1 Hadì 11:9

Ne nepeukan te Nengazen si Solomon su ǥeina te mid-iniyuǥan din is Nengazen he Megbevayà te Israel he mibpaahà kandin te kezezuwa.

1 Cronica 10:13

Minatey si Saul tenged te kenè din kebpezumazuma te Nengazen. Wazè din tumana is suǥù kandin te Nengazen, wey midangep sikandin te menge etew he edsarig te menge mulin-ulin.

1 Cronica 21:15

Ne midsuǥù daan is Megbevayà te velinsuǥuen diyà te Jerusalem para te kebpendezaat, piru zutun te kemulu en heini ebpendezaat nahalin is isip te Nengazen. Ne migkeǥiyan din haazà is belinsuǥuen he ebpendezaat te menge etew te, “Hustu en! Kenè nu en sikandan siluti.” Haazà he timpu ne diyà medhitindeg haazà is belinsuǥuen te Nengazen te gunasà ni Arauna he Jebusihanen.

Job 34:27

Ebeelan din heini su ǥeina te mid-engked sikandan he edsunud kandin, wey wazè dan seǥipaa is menge paaǥi zin.

Salmo 109:4

Minsan ebpekid-emiǥu a kandan, ne edtebeken e zan; piru in-ampù ku ǥihapun sikandan.

Salmo 110:4

Nenangdù is Nengazen, ne kenà egkahalin is isip din, he memumuhat ka te wazà pidtemanan, iring te kegkememumuhat ni Melkizedek.

Salmo 119:136

Nekepurung a mekesineǥew su ǥeina te wazà medtuman is menge etew te kesuǥuan nu.

Salmo 125:5

Piru siluti nu zuma te menge lalung is menge etew nu he edsunud te mezaat he vetasan. Berakat he meupiya is kebpekesavuk te menge etew te Israel!

Salmo 36:3

Mezaat wey tarù is menge lalag din, ne kenè din en ed-ul-ulahan is hustu wey meupiya.

Salmo 78:41

Layun dan egezami is Megbevayà; ebeelan dan is igkeepes te Waǥas he Megbevayà te Israel.

Salmo 78:57

Iring te menge kepuun dan, mibpekeziyuan dan wey midluivan dan is Megbevayà. Ne iring sikandan te nevadtì he panà su kenà sikandan egkeseriǥan.

Exodus 32:11

Iyan, midhangyù si Moises diyà te Nengazen he iyan Megbevayè din he ke sikandin te, “He Nengazen, maan is utew nu egkepeuki is menge etew nu he impeǥawas nu ziyà te Ehipto pinaaǥi te zekelà he ǥehem nu?

Exodus 32:14

Ne tenged kayi wazè ded leusi te Nengazen te edezaat is menge etew zin.

Jeremias 11:10

Midsunud dan is menge salà te menge kepuun dan he wazà mebpemineg te menge lalag ku. Mid-azap daan sikandan te zuma he menge ed-ezapen. Is menge tig-Israel wey menge tig-Juda neked-iring su pudu zan midrapas te kebpekid-uyun ku he midhimu ku ziyà te menge kepuun dan.

Jeremias 13:17

Emun kenè kew pa edtuu, ne edsineǥew a te meeles tenged te utew niw kebpelavew. Edsineǥew a te kenà alang-alang he edtudà is menge luhè ku, su ebihaǥen man is menge etew te Nengazen.

Jeremias 34:16

Piru, nahalin is isip niw ne wazà a keniyu tehuza. Mid-umanan niw uripena is menge uripen niw he impeǥawas niw en. Egkesuat pezem sikandan he mekeǥawas te kegkeuripen, piru mibpeǥes niw sikandan umana uripena.

Jeremias 9:1

“Angin pezem ke serebseb te menge luhà is menge mata ku su edsineǥew e en te maandew wey mezukilem tenged te menge emurè ku te inged he mibpenhimetayan.

Jeremias 9:18

Ipeǥaangaan utew sikandan ipehengkayi, su wey zan mesineǥawi is menge etew ku taman te medtiǥis is menge luhè dan.

Ezekiel 18:24

“Piru emun ed-engked he edtinazeng is etew he metazeng ne ebpengungubpaan duma is kebaal te salà wey kebaal te utew mezaat he menge vaal he ebeelan te lalung he menge etew, ebpedayun be is kegkeuyag-uyag din? Kenà! Su edlipatan is langun he metazeng he menge vaal zin. Ne tenged te kedluib din kedì wey te menge salà he neveelan din, ebpatey sikandin.

Amos 7:3

Umbe, nahalin is isip te Nengazen ne ke sikandin te, “Is neehè nu ne kenè en egkehitavù.”

Jonas 3:10

Ne hein naahà te Megbevayà is mid-ulaula zan he iyan is ked-engkezi zan te mezaat he menge ulaula, nehizuwan din sikandan ne wazè din sikandan leusi te edlimas.

Jonas 4:2

Ne mid-ampù sikandin diyà te Nengazen he ke sikandin te, “Nengazen, heini is kebpeseyluwa nu te menge tig-Nineve, ne zaan ku en he netueni zutun te aney he kedsuǥua nu kedì, umbe migaanggaan a mebpelaǥuy pehendiyà te Tarshish. Su netuenan ku he veliǥeǥawen ka wey hihizuwen he Megbevayà. Ne mepelevayen wey nepenù te hizu wey andam he kenà edlaus edsilut te menge etew he ed-iniyug te mezaat.

Zefanias 1:6

Edezeetan ku is menge mid-iniyug kedì wey is menge wazà medangep kayi te kedì.

Josue 22:16

“Sikami is tivuuk he etew te Nengazen egkesuat key he metueni zey ke maan is midlimbungan niw is Megbevayà te Israel? Nekesupak kew te Nengazen pinaaǥi te kebaal niw te keugelingen niw he pemuhatà. Maan is mid-iniyuǥan niw sikandin?

1 Samuel 12:23

“Emun mehitenged kediey, layun ku sikiyu ibpengemuyù diyà te Nengazen, su emun kenè ku heini ebeelan ne ebpekesalà a ziyà te Nengazen. Ne ebpenuruen ku sikiyu te kebpengungubpaan he meupiya wey hustu.

1 Samuel 13:13

Migkaǥi si Samuel te, “Kelelelungan is mibeelan nu. Wazè nu tumana is insuǥù kenikew te Nengazen he iyan Megbevayè nu he intelaan din kenikew. Emun midtuman nu pezem, ne is menge kevuwazan nu ne iyan ebpedayun he edhadì te Israel.

1 Samuel 15:10

Dutun he timpu migkeǥiyan te Nengazen si Samuel te,

1 Samuel 15:3

Umbe ǥuntaan, surunga niw is Amalikanhen! Dezeeti niw is langun he zutun te kandan. Penhimetayi is menge maama zan, menge vahi, menge vatà, minsan is edsusu pa, apil is menge vaka, kerehidu, kemilyu, wey asnu.’ ”

1 Samuel 15:35

Puun dutun wazè en mebpekidhinguma si Samuel ki Saul taman te minatey si Samuel, piru ingkeseeng ni Samuel is neulaula ni Saul. Nekedsendit is Nengazen te kedhimuwa zin ki Saul he hadì te Israel.

1 Samuel 16:1

Neuma is timpu zutun, ne migkeǥiyan te Nengazen si Samuel te, “Sengemenu ves keluǥayad is kedlalew nu ki Saul? Id-awè ku en sikandin he hadì te Israel. Guntaan penua nu te lana heeyan is teleǥuey nu he sungey, ne hendiyè ka te ki Jesse he tig-Betlehem, su mibpilì ku is sevaha zutun te menge anak din he iyan egkehimu he hadì.”

1 Samuel 8:6

Dutun midmezaat is gehinawa ni Samuel te ebuyuen dan, ne zutun nengemuyù sikandin diyà te Nengazen.