1 Samuel 14:7 - Manobo Western Bukidnon OT

⁷ Midtavak haazà is tig-uwit te ǥumaan din te, “Beeli nu is egkesuatan nu; duma a kenikew minsan hengkey is egkehitavù.”

1 Samuel 14:7 Խաչաձեւ Հղումներ

2 Samuel 15:15

Migkaǥi is menge upisyal te, “Mahal he Hadì, andam key he ebaal te minsan hengkey he egkeǥiyen nu kenami.”

2 Samuel 7:3

Midtavak si Natan dutun te hadì te, “Beeli nu is egkesuatan nu te ebaal, su is Nengazen eduma kenikew.”

Salmo 46:7

Duma tew is Nengazen he Mekeǥeǥehem. Iyan sikandin Megbevayà ni Jacob, ne iyan sikandin eputè tew.

Zacarias 8:23

Dutun he timpu, sepulù he etew he ebpuun diyà te nekedseselekawà he menge nasyun wey kineǥiyan is edhendiyà te sevaha he Judio he egkaǥi te, ‘Ipezuma key kenikew, su nezineg dey he nekiduma keniyu is Megbevayà.’ ”

Zatù 9:54

Migègaanan din umawa is tig-uwit te ǥumaan din, ne migkeǥiyan din te, “Hulevuta nu is ispada nu ne himetayi a su para kenà sikandan mekekaǥi te vahi zà is nekepatey kediey.” Umbe midsundang sikandin dutun te suluǥuen din ne minatey sikandin.

1 Samuel 10:7

Ne emun egketuman en heini, beeli nu en ke kengkey is meupiya, su zuma nu en is Megbevayà.

1 Samuel 14:6

Migkeǥiyan ni Jonatan kes tig-uwit te ǥumaan din te, “Hengkayi ke en, ebeyaan ta is kampu te menge etew he wazà mekekilala te Megbevayà. Kela ke edtevangan ki te Nengazen, su wazà ebpekevelavag kandin emun edhimuwen din he mekezaag is etew, mezakel man wey ke deisey.”

1 Samuel 14:8

Migkaǥi si Jonatan te, “Kuwa ke en, edhendiyè ki su ebpeehè ki kandan.