1 Samuel 14:6 - Manobo Western Bukidnon OT

⁶ Migkeǥiyan ni Jonatan kes tig-uwit te ǥumaan din te, “Hengkayi ke en, ebeyaan ta is kampu te menge etew he wazà mekekilala te Megbevayà. Kela ke edtevangan ki te Nengazen, su wazà ebpekevelavag kandin emun edhimuwen din he mekezaag is etew, mezakel man wey ke deisey.”

1 Samuel 14:6 Խաչաձեւ Հղումներ

2 Samuel 1:20

Kenà heini tudtula ziyà te inged he Gat, minsan diyà te menge zalan te inged he Ashkelon, su kela ke ikelipey zà heini te menge vahi te menge Filistihanen he wazà mekekilala te Megbevayà.

2 Samuel 16:12

Kela ke meehè ded te Nengazen is kelised ku ǥuntaan ne ebelesan e zin te meupiya he ibales din te menge rawak kedì guntaan.”

2 Hadì 19:4

Midsuǥù te hadì te Asiria is peremandar te menge sundaru zin te ked-undaunda te uuyag he Megbevayà. Kela ke seǥipaa te Nengazen he Megbevayè nu is mibpengaǥi zuen te peremandar te menge sundaru ne edsilutan sikandin tenged dutun, umbe pengemuyù ka para kenitew te nengesamà.’ ”

2 Cronica 14:10

ne midhipanew zaan ensi Asa is edsurung ki Zera. Ne ziyè dan mebpelastar te suǥud-suǥud te Zefata he uvey te Maresha.

2 Cronica 14:11

Ne nengemuyù si Asa ziyà te Nengazen he Megbevayè din, “He Nengazen, wazè en minsan hentei he ebpeketavang te menge etew he wazè din igkesukul te menge gemhanan kekenà sikew zà. He Nengazen he Megbevayè dey, tevangi key su midsarig key kenikew, wey pinaaǥi te ngazan nu ne midhendini key te kedsukul kayi te utew mezakel he menge sundaru. He Nengazen, iyan ka Megbevayè dey; kenè nu ituǥut he mekezaag is etew he ebpekigkuntada kenikew.”

Salmo 135:6

Midhimu te Nengazen is minsan hengkey he egkesuatan din, diyà te langit, dini te tanà, diyà te menge zaǥat, wey ziyà te kinezizeleman kayi.

Jeremias 9:23

Migkaǥi pa is Nengazen te, “Kenà ereg he ibpahambug te uluwanen is ketau zin, wey is desen din emun mezesen sikandin, wey is ketiǥeyunan din emun sepian sikandin.

Jeremias 9:25

Migkaǥi pa is Nengazen te, “Egkeuma is timpu he edsilutan ku is langun he nesirkunsidar he wazà mahalin is ulaula zan:

Jeremias 9:26

is menge tig-Ehipto, tig-Juda, tig-Edom, tig-Amon, tig-Moab wey is langun he ebpemen-ubpà diyà te sibsivayan he mibpen-elutan is dapit te kendingen dan. Iyan tutuu is, heini is langun he meǥinged diyà te menge nasyun, ragkes en is langun he menge etew ziyà te Israel, henduen be te neked-iring dà he wazà menge sirkunsidar su meremerik is netaǥù diyà te gehinawa zan.”

Amos 5:15

Senggilahi niw is mezaat ne veeli niw is meupiya, ne hukum kew te hustu ziyà te hukmanan. Su kela ke mehizuwi kew zed te Nengazen he Megbevayà he Mekeǥeǥehem is nengesamà keniyu te menge kevuwazan ni Jose.

Zefanias 2:3

Ne sikiyu is kenà mepelavawen he menge etew kayi te nasyun, he edsunud te menge suǥù te Nengazen, dangep kew ziyà te kandin. Ipedayun niw is kebaal niw te metazeng wey is kenè niw kebpelavew. Su kela ke kenè kew mulà mekeizi zutun he andew te kebpeǥezama te Nengazen te pauk din.”

Zacarias 4:6

Ne migkaǥi sikandin kayi te kedì te, “Kenè ku pa edtevaken is insè nu, ne pemineǥa nu heini is menge lalag te Nengazen he Mekeǥeǥehem diyà te ki Zerubabel: “Zerubabel, egkepasad nu is kebpehitindeg te valey te Nengazen kenè pinaaǥi te zesen wey egkehimu te etew, kekenà, pinaaǥi te Mulin-ulin he ibpetavang ku kenikew.

Numero 10:32

Emun eduma ka kenami ebehinan dey sikew te langun he keupiyaanan he ibeǥey te Nengazen kenami.”

Numero 31:4

Kada tribu ne 1,000 kandan is ebpekidtebek.”

Deuteronomio 32:30

Ebmenmenuwen man te kedal-as te sevaha he etew is nengkelibu he menge Israilihanen? Ebmenmenuwen te zezuwa he etew he melupig dan is sepulù he libu ziyà te kandan? Eghimu zan dà haazà emun idtuǥut kandan te Nengazen he iyan endilungè dan he iring te vatu.

Josue 14:12

Umbe, iveǥey nu kediey is menge vuvungan he insaad kediey te Nengazen. Iyan ka mismu nekezineg dengan he iyan menge meǥinged kayi is menge kevuwazan ni Anak ne melig-en is menge inged dan he miberengbeng. Piru pinaaǥi te tavang te Nengazen edsegseǥen ku sikandan keniyan he tanà su iyan heeyan insaad din kediey.”

Zatù 15:18

Utew nemezahi si Samson. Umbe nengumew-umew sikandin te Nengazen. Ke sikandin te, “Midhimu nu he mekezaag a, piru ǥuntaan henduen be te ebpatey ad te kegkemezahi ku ne ebihaǥen a te menge Filistihanen he wazà mekekilala kenikew.”

1 Samuel 14:5

Is divaluy zutun he zempilas, ne zapit te zizaya dehipag te Micmash, ne is divaluy he zapit te zivavà, dehipag te Geba.

1 Samuel 14:7

Midtavak haazà is tig-uwit te ǥumaan din te, “Beeli nu is egkesuatan nu; duma a kenikew minsan hengkey is egkehitavù.”

1 Samuel 17:26

Mid-insaan ni David is menge etew he nemenhitindeg diyà te uvey zin, “Hentei ves heeyan is Filistihanen he wazà mekekilala te Megbevayà? Maan is ebpemenhinggat te menge sundaru te uuyag he Megbevayà? Ne hengkey is egkezawat te etew he ebpekepatey kandin wey meengked is kebpeel-elezi zin te Israel?”

1 Samuel 17:36

Neveelan ku en heini ziyà te erimaung wey ziyà te bir, ne ebeelan ku zaan heini keniyan te Filistihanen he wazà medtuu te Megbevayà, tenged te edhinggaten din is menge sundaru te uuyag he Megbevayà.

1 Samuel 17:46

Guntaan he andew, ibeǥey ka kedì te Nengazen; edhimetayan ku sikew ne edtempezen ku is lieg nu. Wey te heini he andew ibpekaan ku te menge tagbis wey memevurut he langgam is menge ebpematey he menge Filistihanen. Ne egketuenan te tivuuk he kelibutan he zuen Megbevayà te Israel.

1 Samuel 17:47

Is langun he nevurun kayi egketau he ebpekeluwas is Nengazen te keet-etawan din minsan wazà ispada wey vangkew, su is Nengazen iyan en ebpekidtebek, wey ibeǥey kew zin is langun kenami.”

1 Samuel 31:4

Migkeǥiyan ni Saul is tig-uwit te ǥumaan din te, “Hulevuta nu heeyan is ispada nu wey a himatayi, su emun kenà, ne iyan is wazà mekekilala te Megbevayà edhimatey kedì, ne ed-un-undahan e zan.” Piru nahandek haazà is tig-uwit te ǥumaan din he edhimatey kandin, ne zutun migkuwa ni Saul kes ispada zin, ne midsundang din is lawa zin.