1 Samuel 13:2 - Manobo Western Bukidnon OT

² Ne mibpilì si Saul te 3,000 he menge maama te Israel he para ebpekidtebek te menge Filistihanen. Ne is duma he wazà mepilì ne impemeulì din. Ne miduma zin dutun is 2,000 ziyà te Micmash wey ziyà te vuntud te Betel, ne is 1,000 ne impezuma zin te anak din he si Jonatan diyà te Gibea he sakup te Benjamin.

1 Samuel 13:2 Խաչաձեւ Հղումներ

2 Samuel 20:1

Duen sevaha he etew he tig-Benjamin he layun dà ebpen-ahà te samuk. Iyan ngazan din si Sheba, he anak ni Bicri. Impezaǥing din is budyung ne ebpengulahì te, “Menge tig-Israel, wazè tew lavet ki David he anak ni Jesse! Ebpen-ulì kiw is langun!”

2 Samuel 21:6

Umbe, iveǥey niw kenami kes pitu he menge kevuwazan din he menge maama, su edhimetayan dey sikandan, ne kenà id-awà is menge lawa zan diyà te egkesevukan dan he uvey te ed-ezapan te Nengazen diyà te Gibea, he inged ni Saul he mibpilì te Nengazen he hadì,” midtavak haazà is hadì te, “Uya ibeǥey ku en sikandan keniyu.”

2 Samuel 23:29

si Heleb he anak ni Baanah he tig-Netofa; si Itai he anak ni Ribai he tig-Gibea, he sakup te Benjamin;

Nehemias 11:31

Is duma he menge etew ziyà te Benjamin, diyè med-ubpà te Geba, Micmash, Aya, Betel, wey te menge inged he nekeelingkus kayi.

Josue 18:28

Zela, Ha Elef, Jebus (he iyan Jerusalem), Gibea, wey Kiriat Jearim: ne 14 langun he inged, ne ebpekeuman pa kayi is dezeisey he menge lugar ziyà te peliǥuy kayi he menge inged. Iyan heini nepengevilin te tribu ni Benjamin he mibahin diyà te kada pemilya zan.

Josue 22:6

Ne zutun mibpenubtuvazan sikandan ni Josue ne impeulì din.

Zatù 19:12

Ne midtavak haazà is Levihanen te, “Kenè kiw kayi edhizeǥà su kenà heini ǥaked te menge Israilihanen. Edlaus kiw ziyà te Gibea.

1 Samuel 10:26

Mid-ulì daan si Saul ziyà te valey zan diyà te Gibea. Midumahan sikandin te menge sundaru he mibpengelinteuwan te Megbevayà he mekezuma kandin.

1 Samuel 10:5

Ne te kebpekeuma nu ziyà te Buntud te Megbevayà, he zutun is kampu te menge Filistihanen ne zuen egkesinuǥung nu he grupu te menge ebpeneuven he edtupang puun te simbahan diyà te metikang he lugar. Edtukar sikandan te alpa, tamburin, pulalà, wey lira is ebpemenagnà.

1 Samuel 13:1

Mibpenuiǥen te 30 si Saul he nehimu sikandin he hadì te Israel, ne midhadì sikandin seled te 42 he tuig.

1 Samuel 13:11

piru mid-insà si Samuel te, “Hengkey is mibeelan nu?” Midtavak si Saul te, “Neehè ku he egkenaney en egketerini is kahabet te menge etew su ebpemelaǥuy, wey wazè ka mekeuma zuen te midtendek nu he uras, ne is menge Filistihanen he nekaandam dan en te kebpekidtebek diyà te Micmash su midtiǥum dan en.

1 Samuel 13:15

Ne zutun migenat si Samuel puun te Gilgal ne mibpehendiyà te Gibea he sakup te Benjamin. Mibilang ni Saul is nengesamà he menge etew zin; menge 600 dà langun.

1 Samuel 13:16

Migkampu si Saul wey is anak din he si Jonatan wey is menge sakup dan diyà te Gibea he sakup te Benjamin, ne is menge Filistihanen daan, ne migkampu zan diyà te Micmash.

1 Samuel 13:23

Midsuǥù is menge Filistihanen te menge sundaru he ibpevantey te zalan diyà te Micmash.

1 Samuel 13:5

Nengandam is menge Filistihanen te kebpekidtebek te Israilihanen. Duen dan 3,000 he kerwahi, 6,000 he menge pereuntud te kudà, wey utew mezakel he menge sundaru, su iring dan te pantad diyà te veyvey te zaǥat. Midhendiyè dan te Micmash, he zapit te edsilaan te Bet Aven, ne ziyè dan megkampu.

1 Samuel 14:31

Dutun he andew is menge Israilihanen, te nezaag dan en is menge Filistihanen puun te Micmash taman te Ayalon, nengeveley sikandan wey nengevitil utew.

1 Samuel 14:5

Is divaluy zutun he zempilas, ne zapit te zizaya dehipag te Micmash, ne is divaluy he zapit te zivavà, dehipag te Geba.

1 Samuel 14:52

Layun dà edtebek is menge Israilihanen wey menge Filistihanen seled te kedhadì ni Saul. Ne emun duen egkeehè din he mevurut wey mezesen he etew edhimuwen din he sundaru.

1 Samuel 15:34

Ne midlikù si Samuel ziyà te Rama, ne si Saul ne mid-ulì daan diyà te Gibea.

1 Samuel 24:3

Nekeuma si Saul zuen te tudil te menge kerehidu he kilid te zalan he zuen dutun surung. Midseled dutun si Saul su ebpekeindes. Dutun bes te surung med-eles si David wey is menge sakup din.

1 Samuel 26:2

Ne midhendiyà si Saul te sibsivayan te Zif su ebpen-ahaan din si David. Miduma zin is 3,000 he menge sakup din he mibpilì din diyà te Israel.

1 Samuel 8:11

Ke sikandin te, “Iyan heini ebeelan te hadì he ed-uwit keniyu: egkuwaan din is menge anak niw he maama ne edsunderuwen din. Is duma edhimuwen din he menge pereuntud te kerwahi, is duma ne iyan pereuntud te kudà, ne is duma ne iyan edhuna zutun te menge kerwahi.