1 Samuel 13:14 - Manobo Western Bukidnon OT

¹⁴ Piru kenè en heeyan egkehitavù, su zuen en naahà te Nengazen he etew he ebpemineg kandin, wey iyan edhimuwen din he ebpengulu te keet-etawan din tenged te wazè nu tumana is suǥù din.”

1 Samuel 13:14 Խաչաձեւ Հղումներ

2 Samuel 5:2

Puun pa zengan, minsan te iyan pa si Saul hadì dey, ne iyan ke pa nengulu te menge Israilihanen te kebpekidtebek. Ne migkeǥiyan ka te Nengazen te, ‘Elimahi nu is menge etew ku he Israilihanen te iring te ked-elima te ebantey te menge kerehidu. Iyan ka egkehimu he pengulu zan.’ ”

2 Samuel 6:21

Migkeǥiyan ni David si Mical te, “Mibeelan ku haazà diyà te etuvangan te Nengazen he iyan mibpilì kedì he ilis te amey nu wey te minsan hentei he ziyà te pemilya zin. Mibpilì e zin he iyan edumala te keet-etawan din he menge Israilihanen. Umbe wazà ebpekevelavag te kedsilibra ku ziyà te etuvangan te Nengazen,

2 Hadì 20:5

“Likù ka ziyà te ki Hezekia, he pengulu te menge etew ku, ne keǥiya nu heini: ‘Iyan heini lalag te Nengazen he Megbevayà te kepuun nu he si David: Nezineg ku is pengemuyù nu wey neehè ku is menge luhè nu. Ne ebewian ku sikew. Iketelu he andew puun guntaan ne ebpekeenew ke en, ne hendiyè ka te valey ku.

1 Cronica 10:13

Minatey si Saul tenged te kenè din kebpezumazuma te Nengazen. Wazè din tumana is suǥù kandin te Nengazen, wey midangep sikandin te menge etew he edsarig te menge mulin-ulin.

Salmo 78:70

Si David is mibpilì te Megbevayà he egkehimu he suluǥuen din. Perevantey zà si David te menge kerehidu, piru impeuswag din su midhimu zin si David he hadì te Israel he iyan kes menge etew he ǥaked din. Umbe igkepetug-iring gihapun si David te perevantey te menge kerehidu,

Erubasa 27:24

su is menge ketiǥeyunan wey kevantug, kenà edtaman te taman is kegkeengkena zuen te etew.

Isaias 39:5

Ne zutun migkaǥi si Isaias diyà te ki Hezekia te, “Pemineǥa nu heini is lalag te Nengazen he Mekeǥeǥehem.

1 Samuel 15:23

Is kebpekidsukulà te Nengazen iring ded kezaat te kebpeveveyilan, ne is kegkemesinupaken iring ded kezaat te ked-azap te zuma he menge ed-ezapen. Geina te inselikwey nu is suǥù te Nengazen, idselikwey ke zin daan pinaaǥi te kegkeewaa kenikew he hadì.”

1 Samuel 15:26

Piru midtavak si Samuel te, “Kenà a eduma kenikew. Inselikwey nu is suǥù te Nengazen, umbe inselikwey ke zin he iyan hadì te Israel.”

1 Samuel 15:28

Migkeǥiyan ni Samuel te, “Iring kayi is egkeulaula kenikew: egkuwaan guntaan te heini he andew te Nengazen diyà te kenikew is ginhedian te Israel ne ibeǥey zin te iring nu zed he Israilihanen he meupiya pa kenà sikew.

1 Samuel 16:1

Neuma is timpu zutun, ne migkeǥiyan te Nengazen si Samuel te, “Sengemenu ves keluǥayad is kedlalew nu ki Saul? Id-awè ku en sikandin he hadì te Israel. Guntaan penua nu te lana heeyan is teleǥuey nu he sungey, ne hendiyè ka te ki Jesse he tig-Betlehem, su mibpilì ku is sevaha zutun te menge anak din he iyan egkehimu he hadì.”

1 Samuel 16:12

Umbe, mibpevayaan ni Jesse si David, ne impehendutun. Metaid he meriǥàriǥà is kedlulundis din, wey meupiya he ed-ahaan is mata zin. Migkeǥiyan te Nengazen si Samuel te, “Lenahi nu en is ulu zin su iyan en sikandin nepilì ku.”

1 Samuel 2:30

Dengan, siak is Nengazen niw he Megbevayà te Israel, midsaad a he iyan kew zà menge memumuhat he ebpekepenilbi kedì te taman te taman duma te zuma pa he menge kevuwazan te kepuun niw. Piru kenè en heeyan edtumanen guntaan, su iyan ebeǥayan ku te zengeg is edtahud kedì ne edrewakan ku mulà is mibpendezeisey kedì.

1 Samuel 24:20

Netuenan ku he egkehimu ka he hadì, ne is ginhedian te Israel ne ebmelig-en pinaaǥi te kenikew he kedumala.

1 Samuel 25:30

Emun egkeulaula en is langun he menge meupiya he insaad kenikew te Nengazen, ne iyan ke en hadì te Israel,

1 Samuel 9:16

“Keeselem te iring ded kayi he uras, duen sevaha he etew he ibpehendiyan ku he ebpuun te lugar he Benjamin. Lenahi is ulu zin he iyan tuus he iyan sikandin nepilì he pengulu te menge etew ku he Israilihanen. Iyan sikandin edlibri te menge etew ku he nengesakup te menge Filistihanen, su neehè ku is kebpekeantus dan utew, wey nezineg ku is kebuyù dan te tavang.”