1 Samuel 12:3 - Manobo Western Bukidnon OT

³ Kayi a ǥuntaan te etuvangan niw, emun duen ingkesilag niw kedì, ne keǥiya niw kedì guntaan kayi te etuvangan te Nengazen wey te hadì he mibpilì din. Duen ku ve mibpeǥespeǥes keniyu te kegkuwaa ku te vaka wey ke asnu ziyà te minsan hentei keniyu? Duen ku ve midlimbungan keniyu etawa midlupiglupiǥ? Wazè ku ve ikula is hustu he kukuman su mibpesuhul a? Emun duen ebpekepenistiǥus he zuen ku neveelan kayi ziyà te minsan hentei keniyu, ne ebeyazan ku heeyan.”

1 Samuel 12:3 Խաչաձեւ Հղումներ

2 Samuel 22:22

Su edsunuzen ku is menge paaǥi nu, ne wazà a med-awà diyà te kenikew.

Nehemias 5:11

Guntaan mismu iulì niw is menge vevesukè, menge pemuleey te paras, menge pemuleey te ulibu, wey menge valey te nekeutang diyà te keniyu. Iulì niw is tuvù te mibpesembayan niw he selapì, trigu, binu, wey lana.”

Salmo 15:5

Kenè din ibpaanak is selapì he ibpeutang din, wey kenà sikandin egkeuwit te suhul emun ibpetistiǥus sikandin su wey mehukumi te silut is kenà dait he edsilutan.” Is etew he iyan heeyan ulaula zin, ne egkehimu sikandin he layun melig-en ne kenà sikandin egkewaleng te minsan keenu.

Exodus 20:17

“Kenè niw meimahi is baley te zuma niw, etawa esawa te zuma, menge suluǥuen, menge uyaǥen dan, wey minsan hengkey he ǥaked dan.”

Exodus 22:4

Emun egkesepenan diyà te kandin is tinakew zin he vaka, etawa asnu, etawa kerehidu, he uuyag pa haazà, kinahanglan he edtekepen is ibpevayad kandin.

Exodus 23:8

“Kenè kew medawat te sipsip, su is sipsip iyan ebpekepelakap te etew su minsan netuenan din en is tutuu, edtuisen din gihapun is menge lalag te metazeng he etew.

Erubasa 15:27

Is etew he leǥezen, egkesemukan is pemilya zin tenged kandin, ne is etew he kenà ebpesipsip, edluǥeyazan te umur.

Leviticus 6:4

Emun egketuenan he tutuu he nekesalà sikandin, kinahanglan he id-ulì din is tinakew zin, etawa nekuwa zin pinaaǥi te limbung, etawa menge azen he intaǥak etawa mibpetipiǥan kandin, etawa menge azen he netazin he neehè din,

Leviticus 6:5

etawa minsan hengkey he menge azen he impengulivet din he wazà diyà te kandin, piru is tutuu, ziyè bes te kandin. Kinahanglan he iulì din heini ziyà te teǥiǥaked he wazà meterini, ne umani zin pa te 20 pursintu is bali kayi. Iveǥey zin heini ziyà te teǥiǥaked dutun te andew te kebpemuhat din te pemuhat he vayad te salè din.

Numero 16:15

Ne utew nepauk si Moises ne ke sikandin diyà te Nengazen te, “Kenè nu zewata is menge pemuhat dan. Wazà a mekesalà diyà te minsan hentei kandan; wazà minsan sevaha he asnu he migkuwa ku ziyà te kandan.”

Deuteronomio 16:19

Kenè dan bulegkua is hustu he kukuman ne emun edhukum sikandan kinahanglan he wazè dan edlevanan. Kenè dan medawat te suhul su is suhul ebpekepelakap te uluwanen wey metazeng, wey ebpekeipiktu te kedhukum dan.

1 Samuel 10:1

Migkuwa si Samuel te senge umuy he lana, ne in-itis din te ulu ni Saul. Neipus dutun midhezekan din si Saul ke sikandin te, “Is Nengazen iyan mibpilì kenikew he iyan ebpengulu te keet-etawan he gaked din.

1 Samuel 12:4

Midtavak is menge etew te, “Wazè key kenikew limbungi wey pegpeǥesa. Wazè nu migkuwa ziyà te minsan hentei.”

1 Samuel 12:5

Migkaǥi si Samuel ziyà te kandan te, “Te ǥuntaan he andew ebpekepenistiǥus is Nengazen wey is hadì he mibpilì din he wazè niw egkekaǥi he sayep ku.” Migkaǥi is menge etew te, “Uya, iyan netau is Nengazen.”

1 Samuel 2:35

Ne ebpilì a te metazeng wey metinumanen he memumuhat he edsunud te egkesuatan ku. Ne ebeǥayan ku sikandin te menge kevuwazan he ebpenilbi te mibpilì ku he hadì taman te taman.

1 Samuel 24:11

Amà, ahaa nu is kilid te kumbalè nu he egewezan ku. Mibpitas ku piru wazè ku sikew himetayi. Ebpesavut heini he wazè ku tuyù te kedezaat kenikew wey kebpekidsukulà kenikew. Wazè a mekesalà kenikew piru edtinguhaan nu is kedhimatey kedì.

1 Samuel 24:6

Migkeǥiyan din is menge sakup din te, “Deyzey pezem ke kenà medtuǥut is Nengazen he mekevaal a te kenà meupiya ziyà te egalen ku, he mibpilì te Nengazen he edhadì.”

1 Samuel 24:7

Ne pinaaǥi zutun te migkaǥi ni David midawey zin is menge sakup din, ne wazè din tuǥuti te kedhimatey ki Saul. Ne migawas si Saul zutun te surung ne migenat.

1 Samuel 26:11

Is Nengazen kenè din idtuǥut he iyan a ebpekepatey te mibpilì din he hadì. Egkuwaan te zà heini is bangkew zin wey heini is teleǥuey zin te wahig he kayi te ulunan din, ne egenat kid.”

1 Samuel 26:9

Midtavak ni David si Abishai te, “Kenè nu himetayi sikandin! Su edsilutan te Nengazen is edhimatey te mibpilì din he hadì.