1 Samuel 10:5 - Manobo Western Bukidnon OT

⁵ Ne te kebpekeuma nu ziyà te Buntud te Megbevayà, he zutun is kampu te menge Filistihanen ne zuen egkesinuǥung nu he grupu te menge ebpeneuven he edtupang puun te simbahan diyà te metikang he lugar. Edtukar sikandan te alpa, tamburin, pulalà, wey lira is ebpemenagnà.

1 Samuel 10:5 Խաչաձեւ Հղումներ

1 Hadì 18:29

Midlavey en is meudtu ne edsigudu ǥihapun sikandan ebpengulahì taman te neuma is uras te mahapun he kebpemuhat, piru wazà mibeǥey te hangyù dan.

2 Hadì 2:15

Ne hein naahà haazà te grupu te menge ebpeneuven he ebpuun diyà te Jerico is nehitavù, ke sikandan te, “Diyà en bes te kandin is gehem ni Elias!” Umbe midsinuǥung dan sikandin ne midluhud dan su ibpeehè dan is kedtahud dan kandin.

2 Hadì 2:3

Ne zuen grupu te menge ebpeneuven he ebpuun diyà te Betel he midhendiyà te ki Elisha ne mid-insè dan te, “Netuenan nu ve he egkuwaan en te Nengazen is egalen nu ǥuntaan he andew?” Midtavak si Elisha te, “Uya, netuenan ku, piru kenè tew en heeyan edlelaǥen.”

2 Hadì 2:5

Ne zuen grupu te menge ebpeneuven diyà te Jerico he midhendiyà te ki Elisha ne mid-insà sikandan te, “Netuenan nu ve he egkuwaan en te Nengazen is egalen nu ǥuntaan he andew?” Midtavak si Elisha te, “Uya, piru kenè tew en heeyan edlelaǥen.”

2 Hadì 2:7

Ne zuen 50 he menge etew he sakup te grupu te menge ebpeneuven he midtelukun, ne midhitindeg sikandan diyà te egkehunaan he ziyà medsinaru te lugar he mibpunduwan ni Elias wey ni Elisha he veyvey te Wahig he Jordan.

2 Hadì 3:15

Sigi, dumaha kayi te kediey is etew he metau he edtukar te alpa.” Ne zutun te kedtukar te alpa, midumala si Elisha te ǥehem te Nengazen,

2 Hadì 4:38

Hein midlikù si Elisha ziyà te Gilgal, ne vitil ziyà te Gilgal. Duen timpu he mibpekidlalag kandin is grupu te menge ebpeneuven, ne migkeǥiyan din is suluǥuen din te, “Iziken nu is dekelà he kuzen ne hilutù ka te supas para kayi te menge etew.”

2 Hadì 6:1

Duen timpu he migkaǥi ziyà te ki Elisha is grupu te menge ebpeneuven te, “Neehè nu mismu he zeisey heini is lugar he netiǥuman tew.

1 Cronica 11:16

ne naaǥew zan is Betlehem. Hein diyè pa si David te melig-en he elesà,

1 Cronica 13:8

Midsilibra si David wey is langun he menge Israilihanen diyà te etuvangan te Megbevayà te tivuuk dan he zesen. Nemenganta zan wey midtukar te menge alpa, lira, tamburin, simbal, wey trumpita.

1 Cronica 16:42

Ketengdanan ni Heman wey ni Jedutun is kebpezaǥing te menge trumpita, wey menge simbal, wey is duma pa he menge gamit he egemiten te kegkanta te menge kentahan para te Nengazen. Is menge anak ni Jedutun iyan impevantey zutun te ǥemawan.

1 Cronica 16:5

Si Asaf is nengulu kandan wey tigpezaǥing te menge simbal. Ne iyan sunud kandin si Zacarias, ne nesunuzan eni Jiel, Shemiramot, Jehiel, Matitia, Eliab, Benaya, Obed Edom, wey si Jiel. Iyan heini menge peretukar te menge lira wey menge alpa.

Salmo 49:4

Ebpemineg a te menge erubasa ne idseysey ku is menge kehuluǥan dan, dutun te edtukar a te alpa.

Salmo 92:3

he ebpezumahan te kedtukari te menge instrumintu he zuen dan menge kuwirdas.

1 Samuel 10:10

Dutun te nekeuma si Saul wey kes suluǥuen din diyà te Gibea, midsinuǥung kandan is grupu te menge ebpeneuven ne midseled diyà te kandin is Mulin-ulin te Megbevayà ne miduma sikandin kandan is ebpenagnà.

1 Samuel 10:4

Ebpenelehuzan dan kenikew ne ebeǥayan ke zan te dezuwa he vuuk he supas, ne edewaten nu.

1 Samuel 13:2

Ne mibpilì si Saul te 3,000 he menge maama te Israel he para ebpekidtebek te menge Filistihanen. Ne is duma he wazà mepilì ne impemeulì din. Ne miduma zin dutun is 2,000 ziyà te Micmash wey ziyà te vuntud te Betel, ne is 1,000 ne impezuma zin te anak din he si Jonatan diyà te Gibea he sakup te Benjamin.

1 Samuel 13:3

Ne zutun midsurung ni Jonatan is kampu te menge Filistihanen diyà te Gibea, ne nezineg heini te zuma he menge Filistihanen. Umbe mibmandar si Saul te ipezaǥing is menge budyung te tivuuk he Israel para maandam is menge Israilihanen para te tebek.

1 Samuel 19:20

Ne midsuǥù sikandin te menge etew he edakep ki David. Hein nekeuma zan neehè dan is menge ebpeneuven he mibpenguluwan ni Samuel he mibpen-ulinan he ebpenagnà. Ne zutun mid-ulinan te Mulin-ulin te Megbevayà haazà is menge sakup ni Saul ne nekepenagnè dan daan.

1 Samuel 9:12

Midtavak dan te, “Uya, kayi sikandin. Nehuna zà sikandin keniyu. Su veǥu pa utew sikandin mekeuma ziyà te inged dey para te kebpengulu te menge etew te kebpemuhat diyà te simbahan diyà te metikang he lugar. Pekeǥaan kew!