1 Samuel 10:3 - Manobo Western Bukidnon OT

³ Migkaǥi si Samuel te, “Emun ebpekeuma ka ziyà te kayu he ulayan diyà te Tabor, duen tetelu he etew he igkedsinuǥung nu he ebpehendiyà te Betel su ed-azap te Megbevayà. Is sevaha kandan ne ed-uwit te tetelu he nati te kambing, ne is ikezuwa ne ed-uwit te tetelu he supas, ne is iketelu ne ed-uwit te vinu he ziyà itaǥù te lundis he teleǥuey.

1 Samuel 10:3 Խաչաձեւ Հղումներ

Genesis 28:19

Migngezanan haazà ni Jacob he lugar te Betel, he ke và dà egkeǥiya, “Baley te Megbevayà.” Piru is inged dutun dengan migngezanan te Luz.

Genesis 28:22

Ne heini is batu he impelastar ku kayi he tedeman ku, ebpekepenistiǥus he kayi ka ed-ubpà he lugar. Ne ibeǥey ku kenikew is ikesepulù te langun he ibeǥey nu kediey.”

Genesis 35:1

Ne zutun migkaǥi is Megbevayà diyà te ki Jacob te, “Penines ka ne halin ka ziyà te Betel ne ziyè ka ubpà. Ne vaal ka ziyà te pemuhatà para kediey, kes Megbevayà he mibpaahà kenikew zengan dutun te timpu he ebpeleǥuyan nu is kakey nu he si Esau.”

Genesis 35:3

Ne edhendiyè kiw te Betel; ne ebaal a zutun te pemuhatà ne ed-ezapen ku is Megbevayà he midtavang kedì te menge kelised ku, wey miduma kedì minsan hendei a ebpevayà.”

Salmo 89:12

Mibeelan nu is dizaya wey is divavà. Is Buntud he Tabor wey is Buntud he Hermon iring heini is dezuwa te menge etew he egkanta te kegkelipey tenged kenikew.

Jeremias 32:8

“Ne ǥeina te iyan heeyan migkaǥi te Nengazen, midhengkayi te kediey si Hanamel he id-aǥew ku, kayi te ubpeey te menge vantey. Ke sikandin te, ‘Deyzey ke ebpemesahan nu is bevesukè ku ziyà te Anatot he nesakup te tanà te tribu ni Benjamin. Duen nu ketenged wey ketengdanan te kedlekat wey ked-angken kayi, umbe pemesaha nu en heini para kenikew.’ ” Netuenan ku he iyan migkaǥi zutun is Nengazen,

Leviticus 1:10

Emun kerehidu etawa kambing is ibpemuhat te etew he iyan pemuhat he edtutungen, kinahanglan he meemahan heini he wazè din sazir.

Leviticus 23:13

Lepiki niw heini te pemuhat he para gasa he heepat he kilu he meupiya he kelasi te herina he midsehuǥan te lana, wey senge litru he vinu he pemuhat he inumen. Pemuhat heini he pinaaǥi te hapuy, is kehemut kayi ebpekepenunuat te Nengazen.

Leviticus 3:12

Emun kambing is ibpemuhat din diyà te Nengazen,

Leviticus 3:6

Emun kerehidu etawa kambing is ibpemuhat din he para te meupiya he kedepità, meemahan man heini etawa vehiyan, ne kinahanglan he wazè din sazir.

Leviticus 7:13

Ne gawas keniyan, med-uwit daan sikandin te supas he zuen din tapey.

Josue 19:12

Puun te zivaluy he vahin te Sarid, is dulunà kayi mibpehendiyà te edsilaan pehendiyà te zulunà te Kislot Tabor, pelaus diyà te Daberat wey te Jafia.

Josue 19:22

Is dulunà nekeuma ziyà te Tabor, diyà te Shahazuma, wey te Bet Shemesh, ne ziyà metaman te Wahig he Jordan: ne 16 he menge inged is nesakup te Isacar, ne ebpekeuman kayi is dezeisey he menge inged diyà te peliǥuy kayi he menge inged.

Zatù 20:18

Midhendiyà te Betel is menge Israilihanen ne mid-insè dan diyà te Megbevayà ke hentei ki tribu is edhuna edsurung te menge Benjaminhen. Ne midtavak is Nengazen te, iyan is tribu ni Juda.

Zatù 20:27

(Dutun he timpu, ziyà te Betel sikan is Kavan te Kebpekid-uyun te Megbevayà kandan.

Zatù 4:12

Ne zuen neketudtul ki Sisera he midhendiyà si Barak te Buntud he Tabor.

Zatù 4:6

Ne sevaha he andew, impetawag ni Debora si Barak he anak ni Abinoam te tig-Kedesh he sakup te tribu ni Naftali. Kebpekeuma ni Barak, migkaǥi si Debora te, “Is Nengazen he Megbevayà te Israel, edsuǥuen ke zin. Ke sikandin te, ‘Kuwa ke en te 10,000 he menge maama puun diyà te menge tribu ni Naftali wey ni Zebulun ne zumaha nu sikandan diyà te Buntud he Tabor.

Zatù 8:18

Ne zutun mid-insaan ni Gideon si Zeba wey si Zalmuna te, “Memenumenu is paras te menge maama he mibpenhimetayan niw ziyà te Tabor?” Midtavak sikandan te, “Iring kenikew, henduen be te anak sikandan te hadì.”

1 Samuel 10:4

Ebpenelehuzan dan kenikew ne ebeǥayan ke zan te dezuwa he vuuk he supas, ne edewaten nu.