1 Samuel 10:19 - Manobo Western Bukidnon OT

¹⁹ Iyan a Megbevayè niw he midluwas keniyu te langun he ebpekekaid wey kegkerasey, piru ǥuntaan ed-iniyuǥan a keniyu. Su mibuyù kew te hadì he ebpengulu keniyu. Umbe ǥuntaan tiǥum kew kayi te edtuvangan ku he ebpesibsivayà is kada tribu wey kada sengeepuan.”

1 Samuel 10:19 Խաչաձեւ Հղումներ

Erubasa 16:33

Ebarà is etew su wey zin metueni is dait he ed-ul-ulahan din piru iyan is Nengazen ebpuunan te minsan hengkey he penurù he zait he ed-ul-ulahan.

Micas 5:2

Migkaǥi is Nengazen te, “Sikew, Betlehem Efrata, sevaha ka te kinezeisayan he inged diyà te Juda. Piru ziyà ebpuun te kenikew is etew he ebpenilbi kedì he pengulu te Israel, he is menge kepuun din nevantug dengan he menge etew.”

Numero 11:20

kekena, senge vulan, taman te igkeutè niw heini su edsemuwen kew en. Su inselikwey a keniyu is nekiduma keniyu, ne midriklamu kew kayi te kedì he ke sikiyu te, deyzey pa ke wazè kew en med-awà diyà te Ehipto.’ ”

Numero 17:2

“Keǥiyi nu is menge Israilihanen he mebeǥey te tuked diyà te kenikew is kada pengulu te tribu. Ne pesurati heini te kada ngazan dan. 12 langun he tuked.

Deuteronomio 17:14

“Emun ebpekeseled kew en duen te tanà he ibeǥey keniyu te Nengazen he Megbevayè niw wey egkaangken niw en heini ne zutun kew en he meǥinged, egkaǥi kew te, ‘Ebpilì kiw te hadì he ebpengulu kenitew iring te menge nasyun diyà te peliǥuy kenitew.’

Josue 24:1

Ne zutun midtiǥum ni Josue is langun he tribu te Israel ziyà te Shekem. Ne mid-umew zin is ebpemendumala, menge pengulu, menge zatù, wey menge upisyal te Israel, ne mid-uvey zan diyà te etuvangan te Megbevayà.

Zatù 8:23

Ne midtavak si Gideon te, “Siak wey is menge anak ku ne kenè key iyan ebpengulu keniyu, kekenà, iyan is Nengazen.

1 Samuel 10:20

Ne zutun impeuvey ni Samuel is kada tribu te Israel, ne iyan nepilian is tribu ni Benjamin.

1 Samuel 12:12

Piru hein edsurungen kew ni Nahash he hadì te menge Amunihanen, mibuyù kew kedì te hadì he edumala keniyu, minsan pa te zuen en Nengazen he iyan Megbevayà, he iyan hadì niw.

1 Samuel 14:23

Ne zutun nekeume en diyà te Bet Aven is edtebek. Mibpengelinteuwan te Nengazen he mekezaag is menge Israilihanen.

1 Samuel 14:38

Ne zutun migkeǥiyan ni Saul is menge pengulu te menge Israilihanen te, “Uvey kew kayi, su wey tew metueni ke hengkey he salà is neveelan tew te heini he andew.

1 Samuel 3:21

Ne pedayun is kebpezeyag te Nengazen ki Samuel ziyà te Shilo pinaaǥi te kebpekidlalag kandin.

1 Samuel 4:1

Ne is menge lalag ni Samuel nezineg diyà te tivuuk he Israel. Dutun he timpu nekidtebek is menge Israilihanen te menge Filistihanen. Diyà te Ebenezer megkampu is menge Israilihanen, ne is menge Filistihanen, ne ziyè dan daan megkampu te Afek.

1 Samuel 8:19

Piru wazè dan pemineǥa is menge sambag ni Samuel. Ke sikandan te, “Kenà egkehimu! Egkesuatan dey he zuen hadì he ed-uwit kenami.

1 Samuel 8:5

Ke sikandan te, “Meǥurang ke en; ne is menge anak nu ne wazè dan meiringi is meupiya he menge vaal nu. Guntaan, beǥayi key te hadì he ed-uwit kenami, iring te zuma he nasyun he zuen dan hadì.”