1 Samuel 1:26 - Manobo Western Bukidnon OT

²⁶ Migkeǥiyan ni Hana si Eli te, “Datù, egketenuzan nu pa vuwa, iyan a kes bahi he midhitindeg kayi zengan is ebpengemuyù diyà te Nengazen.

1 Samuel 1:26 Խաչաձեւ Հղումներ

Genesis 42:15

Egezaman ku sikiyu wey ku metueni ke tutuu ve is migkaǥi niw. Idsesapè ku he mintras uuyag pa is hadì te Ehipto ne kenè kew ebpekaawà kayi emun kenà edhendini is hazi niw.

2 Samuel 11:11

Midtavak si Uria te, “Sikan is Kavan te Kebpekid-uyun wey is menge sundaru te Israel wey Juda diyà te kampu zan diyà te menge suǥud, ne zutun daan is peremandar zey he si Joab wey is menge upisyal zin. Ebpekehimu e pe be he ed-ulì te kegkaan, ked-inum, wey te kedhulid te esawa ku? Ibpenangdù ku kenikew he kenè ku egkeulaula is iring keniyan.”

2 Samuel 14:19

Mid-insà is hadì te, “Iyan be si Joab mibpenurù kenikew kayi?” Midtavak haazà is bahi te, “Kena a ebpekevelivad te tavak te insè nu, Mahal he Hadì. Uya, si Joab he suluǥuen nu is midsuǥù kedì te kebaal kayi wey iyan sikandin mibpenurù ke hengkey is egkeǥiyen ku.

2 Hadì 2:2

Ne migkeǥiyan ni Elias si Elisha te, “Kayi ke zà, su ibpehendiyà a te Nengazen te Betel.” Piru midtavak si Elisha te, “Ebpenangdù a ziyà te uuyag he Nengazen wey ziyà te kenikew he kenà a edsuwey kenikew.” Umbe mibpezumehè dan en diyà te Betel.

2 Hadì 2:4

Migkaǥi en maan si Elias diyà te ki Elisha te, “Kayi ke zà, su ibpehendiyà a te Nengazen te Jerico.” Ne mid-uman medtavak si Elisha te, “Ebpenangdù a ziyà te uuyag he Nengazen wey ziyà te kenikew he kenà a edsuwey kenikew.” Umbe mibpezumehè dan en diyà te Jerico.

2 Hadì 2:6

Ne migkaǥi si Elias diyà te ki Elisha te, “Kayi ke zà, su ibpehendiyà a te Nengazen te Wahig he Jordan.” Midtavak si Elisha, “Ebpenangdù a ziyà te uuyag he Nengazen wey ziyà te kenikew he kenà a edsuwey kenikew.” Umbe midlaus sikandan medhipanew is dezuwa.

2 Hadì 4:30

Piru migkaǥi is iney zuen te vatà te, “Ebpenangdù a ziyà te uuyag he Nengazen wey ziyà te kenikew, he kenà a ed-ulì emun kenè ka eduma kediey.” Umbe miduma si Elisha kandin.

1 Cronica 4:10

Mid-ampù si Jabez diyà te Megbevayà te Israel, “Deyzey pezem ke tuvazi a kenikew ne mebmeluag pa is tanè ku. Dumahi a kenikew wey ilikey a te menge ebpekezezaat su wey a kenà mesekiti.” Ne midtavak te Megbevayà is hangyù din.

1 Samuel 17:55

Hein naahà ni Saul si David he ed-uvey ki Goliat he ebpekidtebek, mid-insaan din si Abner he peremandar te menge sundaru te, “Abner, hentei ves ki anak heeyan is betan-en?” Midtavak si Abner te, “Wazè ku metueni, Mahal he Hadì.”

1 Samuel 20:3

Midtavak si David te, “Netuenan te amey nu he utew ki teleelukuy, umbe ed-elesan ke zin te planu zin he edhimetayan e zin su kela ke mebmesakit is gehinawa nu. Piru egkeǥiyen ku kenikew ziyà te etuvangan te uuyag he Nengazen, he ǥuntaan ebpemiligru-a te kemetayen.”

1 Samuel 25:26

“Umbe guntaan, kenà egkesuat is Nengazen he mekevales ka wey mekepatey ka. Ibpenangdù ku ziyà te uuyag he Nengazen wey ziyà te kenikew he is menge kuntada nu wey is langun he egkesuat he ebpesipala kenikew ne meiringi zan is egkeulaula ki Nabal.