1 Samuel 1:17 - Manobo Western Bukidnon OT

¹⁷ Migkaǥi si Eli te, “Hipanew kad ne kenè ke en maan meseeng. Berakat he is Megbevayà te Israel ne ibeǥey zin kenikew is ebuyuen nu kandin.”

1 Samuel 1:17 Խաչաձեւ Հղումներ

Genesis 25:21

Tenged te kenà ed-anak si Rebeka, mid-ampù si Isaac diyà te Nengazen he med-anak ded is esawa zin. Midtavak te Nengazen is ked-ampù din, umbe mibmeǥingey zutun si Rebeka.

2 Samuel 15:9

Migkeǥiyan sikandin te hadì te, “Uya, meupiya is hipanew nu.” Umbe midhendiyà si Absalom te Hebron.

2 Hadì 5:19

Migkaǥi si Elisha te, “Berakat he meupiya is hipanew niw te ed-ulì.” Piru kenè pa ganì meziyù is nehipenawan ni Naaman,

1 Cronica 4:10

Mid-ampù si Jabez diyà te Megbevayà te Israel, “Deyzey pezem ke tuvazi a kenikew ne mebmeluag pa is tanè ku. Dumahi a kenikew wey ilikey a te menge ebpekezezaat su wey a kenà mesekiti.” Ne midtavak te Megbevayà is hangyù din.

Zatù 18:6

Midtavak haazà is memumuhat te, “Kenà mesemuki is isip niw. Eduma keniyu is Nengazen kayi te hipanew niw.”

1 Samuel 1:16

Kenè nu isipa he mezaat a he vahi. Nengemuyù e zà tenged te utew ku kegkeseeng.”

1 Samuel 1:23

Midtavak si Elkana te, “Beeli nu en ke hengkey is meupiya he egkesuatan nu. Kayi ke zà taman te egkelutas sikandin. Deyzey ke igkelipey te Nengazen is insaad nu kandin.” Ne mibpelintetaǥak si Hana is ed-etiman te anak din.

1 Samuel 20:42

Ne migkeǥiyan ni Jonatan si David te, “Na, meupiya he kedhipanew. Deyzey ke edtevangan ki te Nengazen he kenà mezeeti is neupekatan ta he mibpetistiǥusan ta kandin he iyan is mehitenged te kedketeleemiǥu ta ne mekepedayun heini ziyà te menge kevuwazan ta.” Ne zutun midhipanew si David, ne si Jonatan mulà ne midlikù diyà te inged.

1 Samuel 25:35

Midawat ni David is imbeǥey kandin ni Abigail ne migkaǥi te, “Ulì ke en ne kenè ke en meseeng su edtumanen ku is menge hangyù nu.”

1 Samuel 29:7

Umbe ulì ke en, wey kenè ka mebaal te kenè dan egkesuatan. Sigi, meupiya is kedhipanew nu.”