1 Cronica 2:21 - Manobo Western Bukidnon OT

²¹ Ne hein 60 en is penuiǥen ni Hezron, ne nengesawa sikandin te anak ni Makir, te suled ni Gilead he vahi. Duen dan anak he si Segub.

1 Cronica 2:21 Խաչաձեւ Հղումներ

Numero 27:1

Si Zelofehad, duen din menge anak he vahi he iyan ensi Mala, Noa, Hogla, Milca, wey Tirza. Heini si Zelofehad anak ni Hefer wey apù ni Gilead. Si Gilead anak ni Makir wey apù ni Manase. Si Manase anak ni Jose.

Deuteronomio 3:15

Imbeǥey ku is Gilead diyà te pemilya ni Makir.

Numero 26:29

Is menge kevuwazan ni Manase iyan is menge pemilya ni Makir wey ziyà te anak din he si Gilead.

Genesis 50:23

Neseutan pa sikandin te menge apù din te veul he menge kevuwazan ni Efraim. Ne neseutan pa zaan sikandin te menge apù din he menge anak ni Makir he anak ni Manase.

1 Cronica 2:20

Si Hur, ne amey ni Uri, ne si Uri, ne amey ni Bezalel.

1 Cronica 2:22

Si Segub amey ni Jair, he iyan midumala te 23 he inged diyà te Gilead.

Numero 32:41

Si Jair he kevuwazan daan ni Manase nekaaǥew te zezeisey he menge inged diyà te Gilead ne migngezanan din heini te “Menge Inged ni Jair.”

1 Cronica 7:14

Duen dezuwa he anak ni Manase ziyà te esawa zin he Aramihanen, he si Asriel wey si Makir. Si Makir ne amey ni Gilead