1 Cronica 2:17 - Manobo Western Bukidnon OT

¹⁷ Ne iyan nekeesawa ki Abigail, si Jeter he Ismailihanen ne zuen dan anak he maama he si Amasa.

1 Cronica 2:17 Խաչաձեւ Հղումներ

2 Samuel 17:25

Mibpilì ni Absalom si Amasa he in-ilis din ki Joab he iyan peremandar te menge sundaru. Heini si Amasa ne anak ni Jeter he Ismailihanen. Iyan iney zin si Abigail, he anak ni Nahash, te suled te iney ni Joab he si Zeruya.

1 Hadì 2:5

“Heini pa is pemilinbilin ku kenikew: Netuenan nu ke hengkey is mibeelan ni Joab he anak ni Zeruya kayi te kedì dutun te kedhimetayi zin te zezuwa he peremandar te menge sundaru te Israel he si Abner he anak ni Ner wey si Amasa he anak ni Jeter. Midhimetayan din sikandan he henduen be te menge kuntada, piru mibeelan din haazà te timpu he wazà tebek. Iyan sikandin duen din televaken te kemetayen dan.

2 Samuel 19:13

Ne keǥiya niw heini ki Amasa, ‘Tenged te lengesa ku en sikew, edhimuwen ku sikew he peremandar te menge sundaru ku he id-ilis ku ki Joab. Emun ke kenè ku heini ebeelan, ne berakat he purungi a siluti te Megbevayà.’ ”

1 Cronica 2:16

Ne iyan menge suled dan he menge vahi si Zeruya wey si Abigail. Si Zeruya ne zuen tetelu he anak din he menge maama he si Abishai, Joab, wey Asahel.

1 Cronica 2:18

Si Caleb he anak ni Hezron, duen menge anak din diyà te esawa zin he si Azuba he egngezanan daan ki Jeriot. Ne iyan heini menge anak ni Jeriot: si Jesher, Shobab, wey Ardon.

1 Cronica 12:18

Ne zutun mid-uwit te Mulin-ulin si Amasai he nehimu he pengulu zuen te 30 he menge mevurut he menge sundaru ne migkaǥi sikandin te, “Edlavan key kenikew, David he anak ni Jesse! Deyzey pezem ke mebmezeeǥen ka wey is mid-uǥup kenikew, su iyan is Megbevayè nu mid-uǥup kenikew.” Ne midawat sikandan ni David ne midhimu zin sikandan he menge upisyal te menge sundaru zin.