1 Cronica 10:6 - Manobo Western Bukidnon OT

⁶ Umbe, minatey si Saul, wey is tetelu he menge anak din he maama, ne wazè en kevuwazan din he nehimu he hadì.

1 Cronica 10:6 Խաչաձեւ Հղումներ

1 Cronica 10:5

Hein naahà dutun te tig-uwit te ǥumaan din he minatey en, mid-uney zin daan sundanga is lawa zin te ispada zin, ne minatey zaan sikandin.

1 Cronica 10:7

Haazà he timpu ne zuen menge Israilihanen he ziyà med-ubpà te menge suǥud te Jezreel. Hein neehè dan he nememelaǥuy is menge sundaru te Israel wey nepatey en si Saul wey kes menge anak din, ne mid-ewaan dan is menge inged dan ne mibpelaǥuy zan daan. Ne midselezan haazà te menge Filistihanen is menge inged ne iyan dan en dutun mid-ubpà.

1 Samuel 12:25

Emun ebpedayun kew he ebaal te salà, sikiyu wey is hadì niw ne egkezeetan.”

1 Samuel 31:6

Umbe, te haazà he andew minatey si Saul, wey is tetelu he menge anak din he maama, is tig-uwit te gumaan din, wey is langun he menge sakup din.

1 Samuel 4:18

Hein nehisgutan dutun te etew kes Kavan te Kebpekid-uyun te Megbevayà, ne nekeley-ang si Eli zutun te bangkù he mibpinuuwan din he ziyà te kilid te pultahan te inged. Ne nevadtì is lieg din te kebpekezakdak din su melambeg wey meǥurang en daan sikandin, ne segugunà sikandin mibpatey. Nehimu sikandin he pengulu te Israel seled te 40 he tuig.