YOSHU 7:8 - Lacid Common Language Bible

⁸ O" Aseing we"- akhid" Israela byumyu" yigi gyivoo yi mo nung zoid zoid loo bye: yoomo ngoo ciyo" tid loo wa lha".

YOSHU 7:8 Խաչաձեւ Հղումներ

HABAKU 2:1

Ngoo gi nga" da" myo, pyuzung tho' moo do, yab lho: Aseing gi ngoo ri khasu" ga: tid wigi nga" nu dang: tid khyoo: ri khasu" ga: phug tid ziri si' sho' ngoo lang" nyid wa zi nghoid.

EZRA 9:10

Nghoid loug we' akhid" gi O" Mangsoo we"- Bain bui" bye: thang: ri ngoonu" ci: yo" tid loo: wa lha". Ngoonu" gi akhid" dalheing: re" dei zoo: yi nghoid da" lapi: yi khyo" wigi ngoonu" ri byid: da" amyeing" dang: joem ri atam" gyoo: acang yi bui" bye: zi nghoid. Nyangnu" gi ngoonu" ri nyhang" lo" seing: wa da" mung" gi yung: lho' gyeung" shang: nyid zi anghoid. Ciwim ga: ri houg moo nyid da" byumyu" yigi avid avhu: da" akyang" yo' mung" dathang: mo dathang: byeung" jo, zi nghoid» ga: tid.

YOSHU 7:7

Houg: lho: Yoshu gi «Myhang: thang Aseing we"- Yodan gyid lang he: tab khyoo: ngoonu" ri ciwim shu" dab re" lha". Amori byu yi lo, khyoo ab byid: pyam wa ein: rhe". Ngoonu" ri said pyam wa ein: rhe". Yodan gyid lang thei: tab moo ciwim anyid nhang: lha".

YOSHU 7:9

Khanan byumyu" yi yo' mungdain: mo gootu: yugkhang" moo" gi hau: khyoo: ri shau" gyo: ri" goo" wa. Nyangnu" gi ngoonu" ri re" vang: lheing wigi ngoonu" yugkhang" moo" ri re" said pyam ri" goo" wa. Houg: lang" re" ngi: ri goem loem wa shid re" nang cikoid wa lha"» ga: tid.

1 SAMUELA 4:3

Loid byoin bang: theing: jang: khyoo: doem tau" lo" uri Israela vhujhung: yigi akhid" nyid" ciwim yoomo Aseing gi Philisti byumyu" yiri oung: loo" nhang: lha". Nyang: gi nyhang" yo' dage" nyid lho: gyivoo joem da" lo, khoug: mo nyhang" ri re" khyoid yu wa shid re" Shilo voogung mo Aseing da" Dang: Theing Kuid: ri lo" vu, yu shang» ga: tid go".

COUNG" NGHEI 44:10

Nang gi ngoonu" ri ngoonu" da" gyivoo joem jang" mo wigi phang: thu loo" nhang: lho: nyangnu" gi ngoonu" da" ziyoo joem ri nyangnu" shid re phyo' yu nhang: pyam.

COUNG" NGHEI 89:43

Nang gi nya: gyizi gyikhoo: joem ri lhu: phyo' pyam byid: wigi nyang: ri gyi zain: jang: moo: soem" loo" nhang: nyid da:.