YOHAN 7:3 - Lacid Common Language Bible

³ Yesu da" nya: no, gi Yesu ri «Nang koid; da" moozoo" joem ri Re" cangzoo: yi myang wa shid' re" he: joyoo mo thu' lo" lho: Yuda mung" khyoo: loo" we'.

YOHAN 7:3 Խաչաձեւ Հղումներ

APOEM AYANG: 37:20

Nyang: ri said pyam lho: gyid aboo lo: da" gyid thung" xoug" moo du" kaid shang. Akhid" ri" ge'. Nyang: ri siyoo gougnyhoug wigi ngaid said pyam bye: ein: ge tid the'. Houg: lang" she' nya: yhoebmo, cisu" bui" loo wa ziri myang wa bye:» ga: tid go" boem.

YEREMIA 12:6

Nanya: bidnoem yi re" yhoem: byu yi lang" nang ri mhau' ago". Nyangnu" gi nang ri thougtheung gyi koid bang: shoid khyoo: dab ago". Nyangnu" gi dang: myen re" tid nghoid loug nyangnu" ri aloem» ga: tid.

MATHE 12:46

Yesu gi Byu phung: moo ri kho" kyo" nyid da" uri-nya: myhi' yo' nya: nhung" gi ju" re" boem. Nyang: yo" shau" doem goo" wa ga: nghe: shoid moo re" lang" nyid boem.

MARKU 3:21

Hau: khyoo: ri nya: yhoem: byu yi shaug" gyoo: lang" nyangnu" gi nyang ri myheug yu wa ga: thu' yhe: lo" ago". Khasu" wim ga: ri mung" byu yi gi nyang: ri foin" abye:" ga: tid nyid boem ago".

MARKU 3:31

Houg: lang" Yesu da" nya: myhi' yo' nya: no, gi ju" re" nyangnu" gi yhoem nghe: shoid moo re" ju" yab jo, wigi byu dayug ri nya: jhang khi: nhang: kaid ago".

LUKA 8:19

Yesu da" nya: myhi' yo' nya: no, gi nyang: jang" moo ri" nghoid loug we' Byu phung: yi myo: nyid yoomo nyang: yo" ayo" shau" go" boem.

LUKA 8:20

Byu dayug gi Re" myhi, yo" re" no, gi Aseing: yo" shau" goo" noug yoomo nghe: shid' moo re" nyid ago" ga: Yesu ri tid kyo.

YOHAN 2:2

Yesu yo' nya: cangzoo: yi ri we' hau: pui" moo khe: to.

YOHAN 6:60

Hau: da" jhoug" myeing" ri cangzoo: yi myoo" sho' mo, zheing: shau" gyo: boem. Nyangnu" gi he: da" jhoug" myeing" joem- gye youg: yoomo hang" se' yo" cang boem wa lha"» ga: tid go" nyid boem.

YOHAN 6:66

Hau: ayo, mo wigi cangzoo: yi myoo" sho' nyang:- Yesu jang" mo doem tau" lo" lho: Yesu thang: moo abo cang boem loo.

YOHAN 7:10

Hau: pui" mo nya: no, bain thu' loo" lang" Aseing Yesu we' hau: pui" moo yhe: gau" nyid yen.

YOHAN 7:4

Myeing thu' myeing fu" nougsu: nghoid rigi hang" nghoid loug we' nya: moo" ri zau" too" khyoo: aboo. Nang gi hid: yhi' te" mau" pho" moo" ri zei: wa shid' re" gi re" moozoo" ri moug myid si' sho' zei we'» ga: tid boem.

YOHAN 7:5

(Nya: no, nyang: lang" Yesu ri aloem" jeing" boem nghoid ago".)

ACTS 2:14

Houglang" Petru gi-lagyoo: daxe: dayug yo' dage" to' yab, jo, lho: wigi-Thui: to' kaid' lho: mung" byu yi ri tid zigi mang: nhung" Yuda byumyu" yi we' Yerusalem voobyu dangain" bang: we-nga" dang: ri tam" gyo: yu" ge-he: khyoo: yo' sen: lho: nanu" ri tid kyoo" ba.

1 SAMUELA 17:28

David yo' byu yi dang: tid go" nyid ziri David da" nya: mang: zeing Eliaba shau" gyo: da:. Hougsu" yoomo nyang: gi David ri nheig yoo: nau ziyo' «nang hid moo cire" koid nyid la". Re" yang joem ri kyoem pung moo hang" zung" yu" nyid la". Nang gi sho' ase' da" byu danghoid nhung:- meing: zain: ziri yu" ei" wa shid re" re" zi danghoid nhung:» ga: wigi tid bye:.